Янгиликлар
23
Neke shártnaması kelispewshiliklerdiń aldın aladı.
Nekeleniwshi shaxslardıń yaki (er hám hayaldıń) nekede bolǵan dáwirinde hám er hám hayal ajırasqan jaǵdayda olardıń múlkiy huqıq hámde májbúryatların belgilewshi kelisiwi neke shártnaması dep esaplanadı.
Neke mámleketlik dizimge alınǵanǵa shekem dúzilgen neke shártnaması neke mámleketlik dizimge alınǵan kúnnen baslap kúshke kiredi. Neke shártnaması jazba túrde hám notarial tártipte tastıyıqlanıwı lazım.Er hám hayal neke shártnamasına kóre birgeliktegi ulıwma múlktiń nızamda belgilengen tártibin ózgertiwge, er hám hayaldıń barlıq mal-múlkine, onıń ayırım túrlerine yaki er hám hayaldıń hár biriniń mal múlkine qarata birgeliktegi, úlesli yaki jeke iyelik etiw tártibin ornatıwǵa haqlı. Neke shártnaması er hám hayaldıń bar mal-múlkine keleshektegi mal-múlkinede qarata dúziliwi múmkin. Neke shártnaması er hám hayaldıń kelisimi menen qálegen waqıtta ózgertiliwi yaki biykar etiliwi múmkin. Neke shártnaması qanday formada dúzilgen bolsa, onıń ózgertiliwi yaki biykar etiliwi de sonday formada ámelge asırıladı. Neke shártnamasın orınlawdan bir tárepleme bas tartıwǵa jol qoyılmaydı. Neke shártnaması er-hayaldan biriniń talabı menen Ózbekstan Respublikası Puqaralıq kodeksininde belgilengen tiykarlar hám tártipte sudtıń sheshiwshi qararı menen ózgertiliwi yaki biykar etiliwi múmkin. Neke tamam bolǵannan baslap neke shártnamasınıń ámel qılıwıda tamam boladı.
Nókis rayonı PHAJ bólimi inspektorı G.Otepova