Янгиликлар
23
Bala huqıqları boyınsha Ombudsman
2021-jıl 9-avgust kúni Bala huqıqlarınıń kepilliklerin támiyinlew sistemasın bunnan bılay da jetilisiriw ilajları haqqındaǵı Prezident Pármanı menen Oliy Májilistiń Bala huqıqları boyınsha wákili (Balalar ombudsmanı) institutı shólkemlestirildi.
Balalar ombudsmanı óz wákilliklerin ǵárezsiz hám de mámleket shólkemleri, olardıń lawazımlı shaxslarına baǵınıqlı bolmaǵan tárzde ámelge asıradı, óz iskerliginde Oliy Májilis palatalarina esap berip baradi. Balalar ombudsmani Oliy Májilistiń Nızamshılıq palatası hám Senati tárepinen bes jıl múddetke saylanadı. Balalar ombudsmanı lawazımına kandidat parlament kórip shıǵıwı ushın prezident tárepinen kiritiledi.
Jas óspirimlerdiń isleri boyınsha respublikalıq uyımlararalıq komissiyası, Qaraqalpaqstan Respublikası, wálayatlar hám Tashkent qalası jáne rayon (qala)lıq uyımlararalıq komissiyaları tiyislisinshe Balalar máseleleri boyınsha milliy komissiya, Balalar máseleleri boyınsha Qaraqalpaqstan Respublikası, wálayatlar hám Tashkent qalası jáne rayon (qala)lıq komissiyaları etip qayta shólkemlestirildi.
Milliy komissiyanıń tiykarǵı wazıypaları tómendegilerden ibarat:
-balanıń huqıqları, erkinlikleri menen nızamlı máplerin, onıń salamat turmıs tárizin támiyinlew;
-balalardıń fizikalıq, intellektuallıq, ruwxıy hám ádep-ikramlılıq jaqtan tárbiyalanıwına járdemlesiw;
-balanıń ata-ana qaramaǵınan ayırılıwınıń aldın alıw ilajların kóriw;
-balalar arasında qadaǵalawsızlıq, huqıqbuzarlıqlar profilaktikası tarawında mámleketlik baǵdarlamalar hám basqa da baǵdarlamalar islep shıǵılıwın jáne ámelge asırılıwın, sonday-aq, olardıń orınlanıwı ústinen qadaǵalawdı shólkemlestiriw;
-balalardıń huqıqları, erkinlikleri menen nızamlı máplerin qorǵaw boyınsha kórilip atırǵan ilajlardı bahalaw, monitoring etiw hám nátiyjeliligin arttırıw;
-sistemalı kemshiliklerdiń sebepleri menen sharayatların anıqlaw, tallaw jáne olardı huqıqtı qollanıw ámeliyatı hám nızam hújjetlerin jetilistiriw jolı arqalı saplastırıw;
-balalar arasında qadaǵalawsızlıq hám huqıqbuzarlıqlar profilaktikasına baylanıslı maǵlıwmattı jıynaw, saqlaw, qayta islew, tallaw jáne tiyisli uyımlar hám mákemelerdiń jumıs nátiyjeliligin arttırıw maqsetinde olardan paydalanıw;
-mámleketlik uyımlar hám shólkemlerdiń, sonday-aq, aymaqlıq komissiyalardıń balalardıń huqıqları, erkinlikleri menen nızamlı máplerin qorǵaw tarawındaǵı jumısın muwapıqlastırıw.
Shımbay rayonı ádillik bólimi
Yuridikalıq xızmet kórsetiw orayı
bas yuriskonsultı Ye.Q.Adilov