Янгиликлар
22
Kóshpes múlk obektlerine bolǵan huqıqlardı mámleketlik dizimnen ótkeriw tártibi
Kóshpes múlk obekti iyeleri bolǵan yuridikalıq hám fizikalıq shaxslar yamasa olardıń kepillikli wákilleri kóshpes múlk ob'ektine bolǵan múlk huqıqı, basqa shaxsqa ótkende, sheklengende yamasa biykar bolǵanda kóshpes múlk obektiniń huqıqıy jaǵdayı ózgergen kúnnen baslap bir ay múddette mámleketlik dizimnen ótkeriw ushın Mámleketlik xızmetler orayına yamasa Birden-bir interaktiv mámleketlik xızmetler portalı arqalı, al eger girew xatı rásmiylestirilgende bolsa — kóshpes múlk obektine bolǵan huqıqlardı Mámleketlik dizimnen ótkeriwshi organǵa múrajat etiwi shárt.
Arzada kóshpes múlk obektiniń túri, Mámleketlik dizimnen ótkeriliwi kerek bolǵan huqıq, oǵan kadastr xújjetler jıyını tayarlanǵan yamasa qayta rásmiylestirilgen kóshpes múlk ob'ekttiń atı hám tayarlanǵan sáne kórsetiledi.
Orayda arza toltırılǵannan keyin bir saat dawamında onı kóshpes múlk obektine bolǵan huqıqtı Mámleketlik dizimnen ótkeriwdi ámelge asıratuǵın organǵa jiberedi. Shólkemler kóshpes múlk obektine bolǵan huqıqlardı Mámleketlik dizimnen ótkeriw ushın zárúr maǵlıwmatlardı informacion-kommunikaciya texnologiyalarınan paydalanǵan halda Mámleketlik dizimnen ótkeriwshi organǵa jiberedi.
Dizimnen ótkeriwshi kóshpes múlk ob'ektine bolǵan huqıqlardı Mámleketlik dizimnen ótkeriwde arzanı hám kóshpes múlk obektine kadastr hújjetlerin úyrenedi, olardı Reestrda ámeldegi maǵlıwmatlar menen salıstıradı kóshpes múlk obektine bolǵan huqıqlar hámde kóshpes múlk obektine bolǵan basqa materiallıq huqıqtı Mámleketlik dizimnen ótkeriw ushın tiykar bar ekenligin, onıń yuridikalıq yamasa fizikalıq shaxsqa ótiwiniń nızamlılıǵın anıqlaydı.
Múlk huqıqı qatnasıwshılarınıń sanın hám hújjetler ámelde bolǵanda, olardıń úleslerin anıqlap huqıqlardıń Mámleketlik dizimnen ótkeriliwi ushın tosqınlıq etetuǵın, bul kóshpes múlk obekti huqıqtıń basqa shaxslarǵa ótkeriliwi ushın tosqınlıq etiwshi girewge qoyılǵanlıǵı hám huqıqtı sheklew bar ekenin anıqlaydı.
Basqa shaxslardan kóshpes múlk obekti boyınsha Mámleketlik dizimnen ótkeriw ushın arza bar yamasa joq ekenligin Reestrdan anıqlap kóshpes múlk obekti menen baylanıslı pitim notarial tártipte tastıyıqlanbay usınıs etilgende, mal-múlkti hám qarıydardıń shaxsın anıqlaw ushın qosımsha maǵlıwmatlardı talap qılıw huqıqına iye.
Dizimnen ótkeriwshi kóshpes múlkke bolǵan huqıqtı tastıyıqlaytuǵın hújjetler eki jumıs kúni dawamında Mámleketlik dizimnen ótkeredi. Eger hújjetlerde kemshilikler hám olardı saplastırıw múmkinshiligi bar bolsa yamasa qosımsha hújjetler talap etilse, dizimnen ótkeriwshi dizimnen ótkeriwdi úsh kúnge shekem toqtatıp turıw tuwrısında bir kún dawamında qarar qabıl etedi hám qarardı Orayǵa yamasa tiyisli shólkemge jiberedi.
Oray yamasa tiyisli shólkem Mámleketlik dizimnen ótkeriwshi organnan kóshpes múlk obektine bolǵan huqıqtı dizimnen ótkeriwdi toqtatıp turıw tuwrısındaǵı qarardı alǵannan keyin yuridikalıq yamasa fizikalıq shaxstı bir saat dawamında kórsetilgen kemshiliklerdi tuwrılap hújjetlerdi usınıw haqqında xabardar etedi. Kemshiliklerdi tuwrılaw eki jumıs kúni dawamında ámelge asırıladı.
Tuwrılanǵan hújjetlerdi kórip shıǵıwda huqıqlardı Mámleketlik dizimnen ótkeriw biykar etilgenligi haqqında xabarnamada aldın kórsetilmegen jańa tiykarlar boyınsha kóshpes múlk obektine bolǵan huqıqtı Mámleketlik dizimnen ótkeriw biykar etiliwine jol qoyılmaydı. Eger, xabarnamada kórsetilgen kemshilikler xabar berilgen waqıttan baslap úsh jumıs kúni dawamında tuwrılanbasa, Mámleketlik dizimnen ótkeriwshi organ eki jumıs kúni dawamında Mámleketlik dizimnen ótkeriwdi biykarlaydı jáne bul haqqında oray yamasa tiyisli shólkemdi xabarlaydı.
Oraylar yamasa shólkemler jıyım summası kórsetilgen xabarnama kelip túskennen keyin real waqıt rejiminde bul haqqında informacion-kommunikaciya sisteması arqalı arza iyesin xabarlaydı. Arza beriwshi xabarnamada kórsetilgen muǵdarda jıyım summasın tóleydi.
Reestrdan kóshirme beriw ushın jıyım tólengenligin tastıyıqlaw informacion-kommunikaciya sistemaları arqalı ámelge asırıladı. Kóshpes múlkke bolǵan huqıqlardı Mámleketlik dizimnen ótkeriw ushın Birden-bir interaktiv mámleketlik xızmetler portalı arqalı arza berilgende jıyım summasınıń 90 procenti óndiriledi.
Shımbay rayonı ádillik bólimi
mámleketlik xızmetler orayı
bólim baslıǵı B.Bekniyazov