Янгиликлар
22
Konstituciyalıq reformalar – hákimler endi jergilikli keńeslerge basshılıq etpeydi
Prezidentimiz Konstituciyalıq komissiya aǵzaları menen ushırasıwda “hákimler bir waqıttıń ózinde xalıq deputatları keńeslerine de basshılıq etiwi haqqındaǵı qaǵıydanı konstituciyadan shıǵarıp taslaw waqıtı keldi dep esaplayman” dep aytıp, jergilikli mámleketlik hákimiyatı shólkemleri iskerligindegi ózgerislerdi konstituciyaga kirgiziw usınısın bergen edi.
Bul jerde eń tiykarǵı mashqala, yaǵnıy hákimniń bir waqıttıń ózinde hám atqarıw organı, hám Keńes baslıǵı lawazımın iyelewi, huqıqıy tárepten sheshilmesten kiyatırǵan edi.
Bul usınıs hám konstituciyanıń 99-statyasına kiritilip atırǵan ózgertiw puqaralarımız hám keń jámiyetshilik tárepinen unamlı kútip alındi.
Bunıń nátiyjesinde shın mániste jergilikli dárejede demokratiyanıń zárúrli talabı bolǵan hákimiyatlar bóliniw principiniń ámeldegi atqarıwı támiyinlenedi, orınlarda atqarıw (hákim) hám wákillik (Keńes) shólkemleri ortasında, “bir-birin tıyıp turıw” mexanizmi isleydi. Nátiyjede, hákimlerdiń xalıq wákilleri aldındaǵı juwapkerligin asırıwǵa alıp keledi, Jergilikli keńes deputatları óz saylawshılarınıń mashqalalı máseleleri boyınsha, atqarıw organına soraw menen múrájat etiw múmkinshiligi artadı, saylawshılardıń Keńesler hám deputatlarǵa bolǵan isenimi artadı, xalıqtıń máplerin tolıq támiyinlewge, hákimlikler iskerligi ústinen Keńesler hám jámiyetshilik qadaǵalawın kúsheytiwge xızmet etedi.
Ulıwma alǵanda, hákimlerdiń jergilikli keńeslerge basshılıq etiw ámeliyatınıń tamamlanıwı xalqımız hám olardıń wákilleri - deputatlardıń aymaqtı rawajlandırıw boyınsha háreketlerin hám ǵayratların birlestiriwge úlken múmkinshilik jaratıp beredi.
Qanlıkól rayonı ádillik bólimi MXO bólim baslıǵı D.Qudenov