Янгиликлар
16
Konstituciyalıq nızam joybarı:isbilermenlikke keń jol
Jańalanǵan Konstituciyalıq nızam joybarında mámleketimizdiń uzaq múddetli rawajlandırıw strategiyaları,ulıwma mámleketimiz hám xalqımızdıń ertengi párawan turmısı ushın bekkem huqıqıy tıykar hámde isenimli kepillik jaratılıwı kútilmekte.Bir sóz benen aytqanda, “Insan qádiri ushın” ideyası hámde házirgi reformalarımızdıń bas prinsipi bolǵan “Insan-jámiyet-mámleket”-degen jandasıwdı Konstituciyamızdıń mazmun-mánisine tereń sindirip,ámeliy turmısımızda bas qádiriyatqa aylantırıwımız zárúr.Bunda,insan qádir-qımbatı barlıq tarawlarda birinshi orında turıwı názerde tutılǵan.
Ekonomikamızdı háreketke keltiriwshi tıykarǵı kúsh bolǵan isbilermenliktiń rawajlanıwı jolındaǵı barlıq tosıq hám idealardı alıp taslaw,sol maqsette,Konstituciyamızda mámlektimizde tovarlar,xizmetler,jumısshı kúshi hám finanslıq dáramatlardı erkin háreketleniwi,ishki hám sırtqı sawda rawajlanıwı ushın mámleket barlıq shárayatlardı jaratıw haqqındaǵı normanı bekkemleniwi kórsetilgen.Sonday aq isbilermenlik nızamshılıqta qadaǵan etilmegen hárqanday iskerlikti ámelge asırıwǵa,óz iskerligi jónelislerin ǵárezsiz ráwishte tańlawǵa isbilermenlikten sheklenbegen dáramat alıwǵa haqlı ekenligide tiykarǵı nızamımızda anıq belgilep qoyılıwı kútilmekte.
Mámleketimizde jeke isbilermenliktiń rawajlanıwı ushın qolay isbilermenlik hám investiciya ortalıǵın hám shárayatlardıń támiyinleniwi,erkin hám hadal básekeniń qorǵalıwı,ekonomikalıq iskerlikte monopollastırıwǵa jol qoyılmaslıǵı kepilleniwi lazım. Sol menen birge, tiykarǵı nızamımızda jer jeke múlik bolıwı anıq belgileniwi,awıl xojalıǵı jerleri hám toǵay fondı mámleket qaramaǵında bolıp,isbilermenlik subektlerine ijara shártnaması tiykarında beriledi-degen mazmundaǵı normada Konstituciya joybarında kórsetiliwi kútilmekte.
Qanlıkól rayonı yuridikalıq xızmet
kórsetiw orayı bas yuriskonsultı H.Inaeva