Янгиликлар
16
Konstituciyalıq reformalar - hakimler endi jergilikli keńeslerge basshılıq etpeydi.
Bunnan 30 jıl aldın 1992-jıl 8-dekabr kúni Ózbekstan Respublikası “Oliy Kengashi”niń on birinshi sessiyasında insaniylik principlerıne tiykarlanǵan, demokratiyalıq huqıqıy mámleket qurıw hám de puqaralar tınıshlıǵı hám óz-ara tatıwlıǵın támiyinlew maqsetinde Konstituciyamız qabıl etilgen.
Ótken qısqa dáwir dawamında mámleketimizde insan huqıqları hám erkinliklerinen kelip shıǵıp, xalıqaralıq úlgilerge tıykarlanǵan ashıq social -huqıqıy jámiyet jaratıldı. Konstitutsiyaǵa muwapıq, puqaralarımız tekǵana Ózbekstan aymaǵında emes, al sırt ellerde de olardıń huqıq hám erkinlikleri qorǵalıwı belgilengen.
2022-jıl 20-may kúni Oliy Majlısı Nızamshılıq palatası hám Senattıń qospa májilisinde, Konstitutsiyaǵa ózgeris hám qosımshalar kirgiziw boyınsha usınıslardı qáliplestiriw hám shólkemlestiriw ilájların ámelge asırıw belgilendi. Bunda hár bir puqaranıń pikirlerin tıńlaw zárúrligi belgilenip, bul wazıypalar menen shuǵıllanıwshı Konstituciyalıq komissiya dúzildi.
Oliy Majlis Nızamshılıq palatası “Ózbekstan Respublikası Konstitusiyasına ózgeris hám qosımshalar kirgiziw haqqında”ǵı nızam joybarın járiyalap, bul joybar tıykarında, tıykarǵı nızamnıń 64 statyasına 200 den artıq ózgerisler kirgiziw hám de 16 normanı óz ishine alǵan 6 jańa statyalar qosıw usınıs etilip atır.
Atap aytatın bolsaq, Konstitutsiyamızdiń 99, 100, 101 hám 102-statyalarına kiritilip atırǵan ózgerisler arqalı wálayatlar, rayonlar hám qalalarda atqarıwshı hakimyat hám wákillikli hákimiyat shólkemlerin bir-birinen ajratılıp atır.
Jańa Konstitutsimız arqalı:
• Aymaqlardaǵı orınlawshı hákimiyatlarǵa wálayat, rayon hám qala hákimleri basshılıq etewi;
• Xalıq deputatları keńesine bolsa, deputatları arasınan nızamshılıqqa muwapıq saylanatuǵın baslıq basshılıq etewi;
• Keńesler hám hákimler iskerligi nızam menen tártiplestiriliwi;
• Keńeslerdiń wákillik múddeti - 5 jıl bólıwı - usınıs etilip atır.
Al, 102-statyadaǵı ámeldegi norma - paytaxt hám wálayatlar hákimleri prezident tárepinen, rayon-qala hákimleri bolsa joqarı turıwshı hákim tárepinen tayınlanıwı hám lawazımınan azat etiliwi, bul barısındaǵı qararlar aymaqlıq keńes tárepinen tastıyqlanıwı haqqındaǵı norma ózgerissiz qaldırılıp atır.
Qanlıkól rayonı ádillik bólimi yuridikalıq xızmet
kórsetiw orayı bas yuriskonsultı R.Kómekbaev