Янгиликлар
16
Qaraqalpaqstan Respublikası Ádillik ministrliginde ullı tulǵalar, ataqlı shayır Alisher Nawayınıń 582 jıllıǵı hám ullı sárkarda hám shayır Zahiriddin Muhammed Baburdıń 540 jıllıq yubileyine baǵıshlanǵan kórkem-ádebiy keshe ótkerildi.
Ilajda ministrliktiń birinshi orınbasarı E.Tursunov bul eki ullı tulǵalar dúnya júzlik ádebiyatı tarıyxında oǵada úlken orın tutıwın, ilim-pán, mádeniyat hám ádebiyat tarawlarında qosqan úlesleri haqqında aytıp ótti.
Keshege miyman sıpatında qatnasqan Qaraqalpaq mámleketlik universiteti Ózbek tili hám ádebiyatı kafedrası docenti,f.f.f.d. Kabulova Zamira Adilbaevna Alisher Nawayı hámde Zahiriddin Muhammed Baburdıń ómiri hám dóretiwshiligi, búgingi kúnde ullı babalarımızdıń biybaha ádebiy miyrasın keńnen úgit-násiyatlaw baǵdarında ámelge asırılıp atırǵan jumıslar haqqında maǵlıwmat berdi.
Bunnan soń, Qaraqalpaqstan Respublikası yuridikalıq texnikumı oqıwshı-jaslar tárepinen tayarlanǵan ádebiy keshe menen dawam etti.
Iláj dawamında mámleketlik ǵayratker hám shayır Zahiriddin Muhammed Baburdıń ómiri hám dóretiwshiligine baǵıshlanǵan sahnalıq kórinisler kórsetilip, Alisher Nawayı ǵázellerinen úlgiler oqıldı.
Qaraqalpaqstan Respublikası Ádillik ministrligi