Янгиликлар
14
Hayal-qızlardı basım hám zorlıqtan qorǵaw.
Ózbekstan Respublikasında «hayal-qızlardı basım hám zorlıqtan qorǵaw haqqında»ǵı 02-sentyabr 2019-jıldaǵı 561-sanlı Ózbekstan Respublikası Nızamına tiykarlanıp, hayal-qızlarǵa salıstırǵanda olardıń razılıǵısız háwesli ózgeshelikke iye háreketlerdi júzege keltiriw arqalı jınıslıq qol qatılmaslıqqa hám jınıslıq erkinlikke hújim etetuǵın zorlawshılıq forması, sonıń menen birge zorlıq isletiw yamasa zorlıq isletiw menen qorqıtıw hayal jınısındagı jas óspirim shaxslarǵa salıstırǵanda ádepsiz háreketler júzege keliwi arqalı úshinshi shaxs penen jınıslıq baylanıs jasawǵa májbúrlew.
Hayal-qızlarǵa salıstırǵanda salmaǵı túrli dárejede bolǵan tán jaraqatların jetkiziw, qáwip astında qaldırıw, turmısı qáwip astında qalǵan shaxsqa járdem kórsetpew, zorlawshılıq ózgesheligine iye basqa huqıqbuzarliklar júzege keliwi, fizikalıq tásir ótkeriw yamasa bunday tásir ótkeriwdiń ózge ilajların qollaw menen qorqıtıw arqalı hayal-qızlardıń turmısı, den sawlıǵın, erkinligi hám de nızam menen qorǵalatatuǵın basqa huqıqları hám erkinliklerine hújim etetuǵın zorlawshılıq forması esaplanadı.
Hayal-qızlarǵa salıstırǵanda fizikalıq, psixologiyalıq, jınısıy yamasa ekonomikalıq tásir ótkeriw yamasa bunday tásir ótkeriw ilajların qollaw menen qorqıtıw arqalı olardıń turmısı, den sawlıǵın, jınıslıq qol qatılmaslıǵı, abıroyı, ar-namısı hám nızam menen qorǵalatuǵın basqa huqıqları hám de erkinliklerine hújim etetuǵın nızamsız háreketi hám háreketsizligi bolıp tabıladı.
Zorlıqtan jábirleniwshi ózine salıstırǵanda zorlawshılıq júzege keliwi menen qorqıtıw astında bolǵan yamasa zorlawshılıq nátiyjesinde jábirlengen hayal jınısındaǵı shaxstı zorlawshılıqtan qorǵaw hayal-qızlardıń turmısı, den sawlıǵı ushın payda bolǵan qáwipti saplastırıw, operativ ilajlardı talap etetuǵın turmıslıq jaǵdaylar júz bergende hayal-qızlardıń qawipsizligin támiyinlew, sonıń menen birge jábirleniwshige qarata basım ótkergen hám zorlawshılıqqa jol qoyǵan shaxstıń qaytadan nızamsız hàreketlerine jol qoymaw maqsetindegi ekonomikalıq, social, huqıqıy, shólkemlestirilgen, psixologiyalıq hám basqa turdegi keshiktirip bolmaytuǵın ilajlar islep shıǵıwdan ibarat dep kórsetilgen.
Hayal-qızlarǵa qarata basım hám zorlawshılıqqa jol qoyıwǵa alıp keletuǵın sebepler hámde shárt-shárayatlardı anıqlaw hám saplastırıwǵa, jámiyette hayal-qızlardıń zorlawshılıqtan erkin bolıw huqıqlarınan xabardarlıǵın asırıwǵa qaratılǵan ekonomikalıq, social, huqıqıy, medicinalıq hám basqa ilajlar islep shıǵıwdan ibarat dep kórsetilgen. Olarǵa zorlawshılıqqa jol qoyǵan shaxsqa yamasa bir topar shaxslarǵa bul Nızamda belgilengen tásir kórsetiw ilajları qollanılıwına sebep bolatuǵın hújjet.
Ózine zorlawshılıqtı ámelge asırılǵanliǵı yamasa olardı júzege keltirgenligi haqqındaǵı arza menen tiyisli organlarǵa hám de shólkemlerge yamasa sudqa shaǵım etiwi tiyis.
Arnawlı oraylarda, sonıń menen birge biypul telefon liniyasi arqalı huqıqıy máslahát, ekonomikalıq, social, psixologiyalıq, medicinalıq hám basqa da járdem alıwı belgilengen.
Ishki jumıslar shólkemlerine qorǵaw orderin beriw haqqındaǵı talap penen shaqırıq qılıw, qorǵaw orderi shártleri buzılǵan táǵdirde bolsa, olardı bul haqqında xabardar etiwi tiyis, ámelge asırılǵan basım ơtkeriw hám zorlawshılıq nátiyjesinde ózine jetkizilgen materiallıq zıyandı qaplawı hám de ruwxıy zıyan kompensaciya etiliwi tuwrısındaǵı talap penen sudqa shaǵım etiw múmkinligi kórsetilgen.
Zorlawshılıqtan jábirleniwshige jetkizilgen materiallıq zıyan ornın qaplaw hámde ruwxıy zıyandı kompensaciya etiw haqqındaǵı arza menen sudqa shaǵım etkende mámleketlik bajı tólewden azat etiledi delingen.
Qaraózek rayonı Yuridikalıq xızmet kórsetiw orayı
bas yuriskonsultı Amaniyazov Danebay Xojamuratovich