Янгиликлар
06
Konstituciyalıq reformalar
Konstituciyalıq reforma-bul mámleket hám jámiyetlik basqarıwı sistemasındaǵı pikirlew hám iskerlik principlerı paradigmasınıń túpten ózgeriwi. Sonı atap ótiw kerek, mámleketimiz puqaraları konstituciyalıq reformalardıń tiykarǵı baslamashıları esaplanadı.
Házirgi waqıtta social munasábetlerdegi túpkilikli ózgerisler sebepli hám global hám jergilikli kólemde tálim hám huqıqtıń ózi úlken ózgerislerge dus kelip atır. Bul tarawdı tiyisli konstituciyalıq hám huqıqıy reformalaw jámiyetimizdi demokratiyalıq rawajlandırıw, modernizaciyalaw hám jańalaw maqsetlerine erisiwde eń zárúrli qádiriyat hám sheshiwshi kúsh bolǵan joqarı maǵlıwmatlı hám intellektuallıq rawajlanǵan áwladtı tayarlawǵa xızmet etedi.
Jańa Ózbekstandı rawajlandırıw strategiyasında búgingi kún mútajlikleri, mámlekettiń uzaq múddetli wazıypaları hám máplerine muwapıq onı jetilistiriwge qaratılǵan tálim sistemasın jáne de reformalaw názerde tutılǵan. Gumansız, maman kadrlarǵa bolǵan mútajlik mámlekettiń ekonomikalıq rawajlanıwına baylanıslı.
Reformalardıń jańa basqıshınıń sońǵı jıllarında Ózbekstannıń barlıq tálim sektorlarında olardı zamanagóy xalıq aralıq talaplarǵa juwap beretuǵın sapa tárepinen jańa basqıshqa kóteriw ushın tiykar jaratıldı.
Mámleketimizde oqıtıwdıń innovciyalıq texnologiyalarına ótiw ushın zárúr shárt-shárayatlar jaratılıp, bul Ózbekstan Respublikası xalıq bilimlendiriw sistemasın 2030-jılǵa shekem rawajlandırıw koncepciyasında óz sáwleleniwin tapqan. Tórtinshi klastı test nátiyjeleri boyınsha pitirgen intalı balalar tańlap alınatuǵın prezident mektepleri sistemasın jaratıw bul barısında úlken áhmiyetke iye bolmaqta.
Bilim alıw huqıqı insannıń shaxs retinde rawajlanıwı ushın zárúr shárt bolǵan hám siyasiy, ekonomikalıq hám basqa social huqıqlar menen bekkem baylanıslı bolǵan insannıń eń zárúrli social huqıqlarınan biri bolıp tabıladı. Mámlekettiń belgili bir dárejesine hám jámiyet párawanlıǵına erisiwge járdem beredi.
Hár bir insan óziniń konstituciyalıq bilim alıw huqıqın ámelge asırıwı ushın kepillikler jaratıw bilimlendiriw tarawındaǵı mámleket siyasatınıń tiykarǵı wazıypalarınan biri bolıp tabıladı.
Xojeli rayonı ádillik bóliminiń
Yuridikalıq xızmet kórsetiw
oray bas yuriskonsultı: N.Amangeldiyeva