Янгиликлар
19
Bozataw rayon ádillik bólimi tárepinen 2022-jıl dawamında ámelge asırılǵan jumıslar haqqında M Á L I M L E M E
Sońǵı jıllarda ámelge asırılıp atırǵan reformalardı huqıqıy tárepten támiynlew, puqaralar hám isbilermenlik subektleriniń huqıq hám máplerine tiyisli bolǵan nızamshılıq hújjetleriniń mazmun mánisin túsindiriw, orınlarda xalıqtı qıynap kiyatırǵan huqıqıy mashqalalarǵa sheshim qabıllaw, mámleketlik xızmetlerdiń sapasın asırıw, óz iskerligi boyınsha jámiyetke sistemalı ráwishte maǵlıwmatlar usınıw máselelerinde ádillik uyımlarınıń róli hám juwapkershiligi sezilerli dárejede aspaqta.
Usıǵan tiykar, Ózbekstan Respublikası Prezidentiniń 2022-jıl 17-mart kúngi “Puqaralardıń huqıq hám erkinliklerin támiynlew hámde huqıqıy xızmet kórsetiwde ádillik uyımları hám shólkemleri iskerligi nátiyjeligin jánede asırıw is-ilájları haqqında”ǵı PP-89-sanlı pármanı qabıl etildi.
Párman menen 2022-2023-jıllarǵa mólsherlengen Jańa Ózbekstan hákimshilik reformaları dástúrin islep shıǵıwdı muwapıqlastırıwshı respublika komissiyasınıń Mámleketlik xızmetler agentligi hám onıń aymaqlıq basqarmaları hámde Intellektual múlk agentligi hám onıń aymaqlıq orayların wazıypa, funkciya hám wákilliklerin Ádillik ministrligine ótkergen halda qosıp alıw haqqında usınısına razılıq berilgen.
Nátiyjede, Yuridikalıq xızmet kórsetiw orayları, rayon (qala) mámleketlik xızmetleri orayları hám olardıń filialları hámde PHAJ uyımları bárshe huqıq hám wákilliklerin saqlaǵan halda rayon (qala) ádillik bólimleri quramına ótkerildi.
Usıǵan kóre, bul baǵdar boyınsha Bozataw rayon ádillik bólimi tárepinen 2022-jıldıń ótken 12 ayı dawamında bir qatar isler ámelge asırıldı.
Tiykarınan, rayon hákimligi hám xalıq deputatları Keńesiniń normativ-huqıqıy xarakterge iye qarar joybarları nızamshılıqqa, xalıq aralıq shártnama normalarına, mámleketimizde ámelge asırılıp atırǵan reformalardıń maqset hám wazıypalarına, nızamshılıq texnikası qaǵıydalarına muwapıqlıǵı, olardı korrupciyaǵa, basqa huqıqbuzarlıqlar sadır etiliwine sharayat jaratıp beretuǵın, sonday-aq fizikalıq hám yuridikalıq shaxslar ushın artıqsha hákimshilik hám basqa sheklewlerdi keltirip shıǵaratuǵın qaǵıyda hám normalardı anıqlaw hámde huqıqıy ekspertizadan ótkeriw boyınsha bólim tárepinen rayon hákimligine xat berilgen hámde hákim sheshimleri, xalıq deputatları Keńesleriniń sessiya qararları turaqlı túrde úyrenip barılmaqta.
Huqıqıy úgit-násiyat tarawı boyınsha, bólim tárepinen usı kúnge shekem jámi 1097 huqıqıy úgit-násiyat jumısları alıp barılǵan bolıp, sonnan awızeki úgit-násiyat ilájları sanı 638 dı quraytuǵın bolsa, 347 veb saytlarda, gazetada shıǵıwlar sanı 20, radioda shıǵıwlar sanı 31 hámde televideniede shıǵıwlar sanı 18 di quraydı.
Elektron formada kelip túsken normativ-huqıqıy hújjetler sanı 1151 di quraǵan bolıp, tiyisliligi boyınsha rayondaǵı jámi 23 mákeme hám shólkemlerdiń elektron pochta hám e-xat mánzillerine jiberiliwi támiyinlendi.
Huqıqıy ekspertiza hám yuridikalıq xızmet tarawı boyınsha, búgingi kúnde rayon hákimliginde 1 yuridikalıq xızmet shtat birligi hám ádillik bólimine qaraslı 3 yuridikalıq oray xızmetkerleri shtat birlikleri bar bolıp, házirde bul shtat birlikleri tolıǵı menen yuridikalıq xızmet wákilleri menen qamtıp alınǵan.
Búgingi kúnde rayon hákimligi tárepinen “E-qaror” elektron sisteması arqalı jami 925 hújjetler qabıl etilgen bolıp, sonnan 490 dana hákim qararı, 178 dana biyligi hámde 257 dana Keńes qararı qabıl etilgen.
Bunnan tısqarı 2022-jıldıń otken 12 ayı dawamında bólimge huqıqıy ekspertizadan ótkeriw ushın normativ túske iye bolǵan jámi 11 qarar joybarı kelip túsken bolıp, sonnan 3 qarar joybarı belgilengen nızam talaplarına ámel etilmegeniligi sebepli qaytarılǵan, 8 qarar joybarlarına bólim tárepinen nızam talaplarına muwapıq juwmaq berilген hámde tiyisli tártipte mámleketlik dizimge alıw ushın Qaraqalpaqstan Respublikası Ádillik ministrligine jiberildi.
Insan huqıqların qorǵaw tarawı boyınsha bólimge 2022-jıldıń ótken 9 ayı dawamında jámi 110 múrájat kelip túsken bolıp, sonnan 101 puqaranıń múrájatı qanaatlandırılǵan, 9 puqaranıń múrájatına huqıqıy túsinik berilgen.
Sonday-aq, bólim tárepinen sudlarǵa kiritilgen dawa arzalar sanı jámi
68 di quraydı. Sonnan 60 dawa arzalar puqaralıq tártipte hám 8 dana dawa arzalar hákimshilik tártipte kiritilgen bolıp, sonnan 28 dana dawa arzalardıń qanaatlandırılıwına erisilgen bolsa, qalǵan 14 dawa arzalar sud óndirisinde qalǵan.
Sonıń menen bir qatarda bólim tárepinen puqaralardıń esaplanǵan biraq tólenbey kiyatırǵan jámi 192.936.509 swmlıq aylıq is-haqıları ham oǵan teńlestirilgen tólemler sudqa dawa arza kiritiw jolı menen qanaatlandırılǵan bolsa, insan huqıqların qorǵawǵa qaratılǵan, orınlanıwı májbúriy túske iye bolǵan, jámi 55 dana usinis shıǵarılǵan. Shıǵarılǵan usınıslarǵa tiykar 79.433.620 swm puqaralardıń esaplanǵan biraq tólenbey kiyatırǵan is-haqı hám oǵan teńlestirilgen tólemleri óndirilip berildi.
Rayon ádillik bólimine kelip túsken múrájatlar analizlengende eń kóp múrájatlar miynet nızamshılıǵı, sociyallıq támiynat hámde jer qatnasıqları máselelerine baylanıslı ekenligi anıqlandı.
Bunnan tısqarı sociyallıq-ekonomikalıq tarawda huqıqtı qollaw ámeliyatı tarawı boyınsha ótkerilgen jámi úyreniwler hám monitoringlar sanı 45 ti quraǵan bolsa, rayon aymaǵında jaylasqan mákeme hám shólkemlerde jami 509 nızam buzılıw jaǵdayları anıqlandı.
Anıqlanǵan nızam buzıwshılıqlardı saplastırıwǵa qaratılǵan tásir sharalar sanı jámi 244 ti quraǵan bolıp, sonnan 68 даўа арзалары, 55 usınıs kiritilgen bolsa, hákimshilik juwapkershilikke tartıw boyınsha 22 usınıs hámde rayon aymaǵındaǵı mákeme hám shólkemlerge nızam hújjetleriniń buzılıwına jol qoymaw maqsetinde 99 eskertiwler shıǵarıldı.
Sonıń menen bir qatarda nızam buzılıw jaǵdaylarına jol qoyǵan 47 xızmetkerge intizamiy jaza sharası qollanıldı.
Norma dóretiwshiligi tarawında bólim tárepinen nızamshılıqqa ózgeris hám qosımshalar kiritiw boyınsha jami 17 usınıs kiritildi.
Yuridikalıq xızmet kórsetiw tarawı boyınsha
Bozataw rayonı ádillik bólimi Yuridikalıq xızmet kórsetiw orayı tárepinen 2022-jıl dawamında 5610 hújjet huqıqıy ekspertizadan ótkeriliw ushın (E-HUQUQSHUNOS) elektron sistema arqalı kelip túsken bolıp, sonnan 5322 hújjetlerge nızamǵa muwapıqlılıǵı boyınsha juwmaqlar berildi, 288 hújjet nızam talaplarına muwapıq kelmesligi sebepli qaytarıldı.
Usılardan, jeke táritiptegi 2132, miynet dem alısı boyınsha 761, xızmet saparı haqqında 348, ulıwma máselelerge baylanıslı 375 buyrıqlarǵa, 556 miynet shártnamaları hámde 1150 xojalıq shártnamalarına, jámi 5322 hújjet joybarlarına nızamǵa muwapıqlılıǵı boyınsha juwmaqlar berilgen.
Sonday-aq, jeke táritiptegi 110, dem alısqa baylanıslı 26, xızmet saparı haqqında 8, ulıwma máselelerge baylanıslı 30 buyrıqlarǵa, 41 miynet shártnaması hámde 73 xojalıq shártnamasına, jámi 288 hújjet joybarlarına qosımsha hújjetler qosa usınılmaǵanlıǵı sebepli qaytarılǵan.
Bunnan tısqarı oray xızmetkerleri tárepinen 2022-jıl dawamında jámi 151 úgit-násiyat ilájları ótkerilgen bolıp, sonnan 92 awız eki huqıqıy úgit-násiyat ilájları, ǵalaba xabar quralları arqalı (televidenie, radio, gazeta) 21 shıǵıwlar ámelge asırılǵan, veb sayt arqalı 38 maqalalar shıǵarılǵan.
Mámleketlik xızmetler kórsetiw tarawı boyınsha
Bozataw rayonı ádillik bólimi mámleketlik xızmetler orayı tárepinen
2022-jıldıń 12 ayı dawamında Puqaralar hám isbilermenlik sub’ektlerine jámi
6612 mámleketlik xızmetler kórsetilgen.
Sonnan oray arqalı jeke 5880, internet arqalı 732 xızmetler kórsetilip, alıs aymaqlarǵa shıqqan halda 1263 kóshpeli mámleketlik xızmetler kórsetilip, 14 isbilermenlik sub’ektleri kóshpeli túrde mámleketlik dizimnen ótkerilgen.
Sonday-aq, oray tárepinen 12 ay dawamında 145 isbilermenlik sub’ektler mámleketlik dizimnen ótkerilip, sonnan 75 yuridikalıq shaxslardı, 70i jeke tártiptegi isbilermenlik subektlerdi quraydı. Sonnan 45 yuridikalıq shaxslar hámde 4 jeke tártiptegi isbilermenlik sub’ektler qayta mámleketlik dizimnen ótkerilip, 35 yuridikalıq shaxslar, 34 jeke tártiptegi, jámi 69 isbilermenlik sub’ektleri mámleketlik dizimnen shıǵarılǵan.
Oray tárepinen 12 ay dawamında fizikalıq shaxslarǵa 901, yuridikalıq shaxslarǵa 170, jámi 1071 elektron sanlı imzalar alıp berilgen.
Ǵalaba-xabar quralları arqalı huquqıy úgit-násiyat jumısların alıp barıw boyınsha oray xızmetkerleri tárepinen 56 márte huquqıy úgit-násiyat jumısları ámelge asırılǵan. Atap aytqanda televidenide 4 márte, radioda 7 márte, gazetada 1 márte, VEB sayt hám basqada sociallıq tarmaqlarda 44 márte shıǵıwlardı ámelge asırǵan.
“Oray-máhálle-puqara” principi tiykarında oray máhálle hám shańaraqtı qollap-quwatlaw bólimi menen birgelikte máhállelerde jasawshı puqaralarǵa, rayonlıq Xalıq bilimlendiriw bólimi menen birgelikte ulıwma bilim beriw mektepleriniń joqarǵı klass oqıwshılarına hám Mektepke shekemgi bilimlendiriw bólimi menen birgelikte mektepke shekemgi bilim beriw mekemelerinde islewshi xızmetkerlerge “Elektron hukimet” hám Birden bir interaktiv mámleketlik xizmetleri portalınan paydalanıw tártibi hámde tarawǵa baylanıslı jańadan qabıl etilgen normativ-huquqıy hujjetler boyınsha oqıw-seminarları ótkerilip kelinbekte.
Bunnan basqada oray tárepinen 2022-2023-oqıw jılı ushın joqarǵı oqıw bilim beriw mekemeleriniń bakalavr talim bagdarına hújjetler tapsırıw boyınsha my.dtm.uz saytı arqalı 350den aslam abiturentlerdiń hujjetlerin tapsırıwda ámeliy járdemler berilgen.
Puqaralıq halatların aktlestirip jazıw tarawı boyınsha
Bozataw rayonı ádillik bóliminiń PHAJ bólimi tárepinen 2022-jıldıń 12 ayı dawamında puqaralarǵa 826 huqıqıy xızmetler kórsetilgen bolıp, sonnan bólim tárepinen Tuwılıw haqqında akt jazıwların dizimge alıw boyınsha 244, neke haqqında akt jazıwı 103, nekeden ajrasqanlıq haqqında akt jazıwları sanı 9, Tuwılıw haqqında akt jazıwına ózgeris kiritiw boyınsha 7, 1 puqaranıń familiyası atına ózgeris kiritiw hám Ólimdi dizmge alıw boyınsha 111 akt jazıwlar bólim tárepinen dizimge alınǵan.
Sonday-aq, Minsk konvetsiyasına tiykar kelip tusken jami 9 múrájatqa juwap berildi.
PHAJ uyımlarında dúzilgen jas shańaraqlardı oqıtıw boyınsha 4 oqıw seminarları otkerildi hám seminarda 65 jas shanaraqlar qatnastı.
Ǵalaba-xabar quralları arqalı bólim xizmetkerleri tárepinen 10 márte huqıqıy ugıt-nasiyat jumısları alıp barılǵan.
Atap aytqanda televidenide 1 márte, radioda 6 márte, gazeta hám jurnallarda 3 márte shıǵıwlardı ámelge asırdı.
Bozataw rayonı ádillik bólimi baslıǵı N.Kalimbetov.