Янгиликлар
19
Kegeyli rayonı ádillik bólimi tárepinen 2022-jıl dawamında ámelge asırılǵan jumıslar haqqında
Kegeyli rayonı ádillik bólimi 2022-jıl dawamında mámleketlik organlar hám shólkemlerdiń rayondagı sturkturalarınıń elektron pochta hám e-xat mánzillerine 2022-jıl dawamında mámleketimizde jańadan qabıl etilgen jámi 1150 normativ-húqıqıy hújjetler elektron pochta mánzillerine jiberip barıldı.
Rayon ádillik bólimi tárepinen 2022-jıl dawamında rayon puqaralarınan jámi 143 múrájat qabıllandı hám sonnan 143 múrájat óz sheshimin tawıp 117 múrájat qanaatlandırıldı, 24 múrájatke huqıqıy túsinikler berilip, 2 múrájat kórmesten qaldırıldı.
Rayon ádillik bólimi tárepinen, rayon hákimligi tárepinen kelip túsken
4 normativ-huqıqıy tústegi qarar joybarı ekspertizadan ótkerilip, unamlı juwmaq berildi hám huqıqıy ekspertizadan ótken hújjetler rayonlıq gazetadan daǵazalanıp hámde rásmiy veb-saytlarǵa jaylastırıldı. Sonday-aq, bul qararlar mámleketlik dizimge alınıwı ushın tiyisli tártipte Qaraqalpaqstan Respublikası ádillik ministrligine usınılıp kelinbekte.
Rayon hákimligi tárepinen qabıl etilip atırǵan sheshim hám biylikler, xalıq deputatları rayonlıq Keńesiniń sheshimleri “e-qaror” elektron sisteması sisteması arqalı bólim tárepinen turaqlı monitoring qılınıp barılmaqta.
Bólim tárepinen jámi 67 puqaranıń 429 mln 469 mıń sumlıq is-haqıların óndirip beriw maqsetinde Puqaralıq isleri boyınsha Shımbay rayonlar aralıq sudına dawa arza kiritildi hám 67 puqaranıń dawa arzası qanaatlandırılıp
is-haqıların óndiriw boyınsha sud buyrıǵı shıǵarıldı, sonday-aq, Ózbekstan hám Qaraqalpaqstan Respublikası Ádillik ministrliginiń 2022-jılı ushın belgilengen
is-rejesi hám Qaraqalpaqstan Respublikası Ádillik ministriniń buyrıqları hám tapsırma xatları tiykarında rayonlıq mekeme xám shólkemler jumıslarında nızam hújjetlerine ámel etiw jaǵdayları boyınsha úyreniwler hámde monitoringlar ótkerildi hám jámi 6231 jaǵdayda nızam buzılıushılıqlar anıqlandı.
Atap aytqanda, Ózbekstan Ádillik ministrliginiń 14.01.2022-jıldaǵı
12/6-1/3326-san xatınıń orınlanıwın támiyinlew maqsetinde Kegeyli rayonı Xalıq bilimlendiriw bóliminde Kegeyli rayonı ulıwma bilim beriw mákemeleri kadrlar xızmeti xızmetkerleriniń miynetine xaqı tólew boyınsha razryadlardı belgilewde Ministrler Kabinetiniń 06.09.2019-jıl 743-san sheshimi menen tastıyıqlanǵan Qaǵıyda talaplarına ámel etiliwi jaǵdayı Bólim tárepinen usınıs etilgen hújjetler tiykarında úyrenilgende tómendegiler anıqlandı.
Ulıwma bilim beriw mekteplerinde xatker (is juritiwshi) shtatlarınıń ornına “Kadrlar boyınsha inspektor” shtatı engizilgen.
Bul lawazım ushın belgilengen birden-bir tarif setkası boyınsha razryadlar Ministrler Kabinetiniń 743-san “Miynet bazarında miynet munasábetlerin tártipke salıwǵa tiyisli qosımsha ilajlar haqqında”ǵı sheshiminiń 4-qosımshası menen tastıyıqlanǵan “Ózbekstan Respublikası Mámleket byudjeti qarjları esabına saqlanatuǵın shólkemlerde bánt bolǵan xizmetkerlerdiń keń tarqalǵan lawazımlı xızmetkerleri ayırım taypaları miynetke haqı tólew boyınsha razryadlar”ǵa joqarı maǵlıwmatlı muhandislar, qániygeler hám inspektorlarǵa -7 razryad, joqarı maǵlıwmatlı bolmaǵan qánigeler hám inspektorlarǵa -6 razryad etip belgilengen.
Bólim tárepinen 2022-jıl dawamında sociallıq-ekonomikalıq tarawda huqıqtı qollaw ámeliyatı tarawı boyınsha jámi
50 mekemeniń statistikalıq kórsetkishleri úyrenilip, jámi 23 normativ-hújjetler úyrenip shıǵıldı. Nızamshılıqtı jetilistiriw boyınsha Qaraqalpaqstan Respublikası ádillik ministrligine turaqlı túrde usınıslar kiritilip kelinbekte.
Húrmetli Prezidentimiz tárepinen, mámlekette hám jámiyette nızam ústinligin támiyinlew, sonday-aq mámleketlik uyımlar hám shólkemlerde islewshi xızmetkerlerdiń nızamlı huqıq hám máplerin qorǵaw, sonıń menen bir qatarda mámleketlik uyımlar hám shólkemlerde byudjet qarjılarınıń sarıplanıwı hám mámleketlik múlklerdiń saqlanıwına baylanıslı kórsetilip atırǵan yuridikalıq xızmetlergede ayrıqsha itibar qaratılıp kelinbekte.
Ótken dáwirlerge itibar qaratatuǵın bolsaq, mámleketlik uyımları hám shólkemlerine yuridik xızmetler nızam ústinligin támiyinlew maqsetinde 1993–jılda shólkemlestirilgen edi, 2017–jılǵa kelip, olarǵa ayrıqsha status berildi, shólkemde yurist shtatın qısqartırıw qadaǵan etildi, olarǵa mártebe dárejesin beriw engizildi, hár bir shártnama, buyrıq, yuridikalıq hújjetler yuriskonsulttan ótiw májbúriyligi belgilendi.
Biraq, búgingi kúnde rayon dárejesindegi mámleketlik uyımları yuridik xızmetleriniń jumıs kólemi hám sıpatı analiz etilgende, olardıń iskerligi kútilgen nátiyjeni bermey atırǵanlıǵı anıqlandı.
Bul tarawdaǵı jumıslar nátiyjeliligin asırıw maqsetinde dáslep Namangan qalası, Qarshı hám Marhamat rayonlarında sınaw tárizinde jámi mámleketlik uyım hám shólkemlerdiń aymaqlıq bólimshelerine yuridikalıq xızmetler kórsetiwshi oraylar iskerligi Ádillik ministrligi sistemasında jolǵa qoyıldı.
Mámleketimizde mámleketlik uyımları hám shólkemleri iskerligin, ásirese orta hám tómengi buwındı huqıqıy tárepten támiyinlew hámde olarǵa sıpatlı hám professional yuridikalıq xızmet kórsetiwge qaratılǵan reformalar basqıshpa-¬basqısh ámelge asırılmaqta.
Bunıń ayqın dáliyli sıpatında, Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı qabıl etilgen edi.
Usı qarar talaplarına muwapıq, 2021-jıl 1-oktyabr kúni nen baslap Kegeyli rayonı Yuridikalıq xızmet kѳrsetiw orayı (keyingi orınlarda «Oray» dep júritiledi) tárepinen, (Kegeyli rayonında Toǵay xojalıǵı mekemesi shólkemlestirilmegenligin esapqa halda) búgingi kúnde:
¬ Kegeyli rayonlıq Qarjı bólimi;
¬ Xalıq bilimlendiriw bѳlimi;
¬ Mektepke shekemgi bilimlendiriw bólimi;
¬ Mádeniyat bólimi;
¬ Medicina birlespesi;
¬ Sanitariya-epidemiologiya tınıshlıq hám jámiyet salamatlıǵı bólimi;
¬ Byudjetten tısqarı pensiya qorı;
¬ Abadanlastırıw basqarması;
¬ Irrigaciya bólimi;
¬ Qurılıs bólimi;
¬ Veterinariya hám sharwashılıqtı rawajlandırıw bólimleri ne yuridikalıq xızmet kѳrsetilip kelinbekte.
Statistik esabatlarǵa názer awdaratuǵın bolsaq, Oray tárepinen joqarıda atap ótilgen mámleketlik uyım hám shólkemlerdiń 10 mıńnan artıq buyrıq hám shártnamaları úyrenilip shıǵılıp, olarǵa huqıqıy juwmaqlar beriliwi, nızamǵa muwapıq emes tabılǵan 987 hújjetlerdiń nızam talaplarına muwapıqlastırılıwı támiyinlendi.
Oray tárepinen tek ǵana mámleketlik uyım xızmetkerlerine tikkeley yamasa jumıs ornına barıw arqalı emes, Oray tárepinen sociallıq tarmaqlarda shólkemlestirilgen “KEGEYLI YURIDIKALIQ XIZMET KÓRSETIW ORAYI” telegramm hám facebook kanalları arqalıda huqıqıy másláhátler, sonday–aq nızamshılıqqa kiritilgen ózgeris hám qosımshalar boyınsha túsinikler berip kelinbekte.
Ózbekstan Respublikası Prezidentiniń 2021-jıl 9-avgustta «Jetim balalar hám ata-ana qaramaǵınan ayrılǵan balalardı mámleket tárepinen qollap-quwatlawdıń jańa sistemasın islep shıǵıw is-ilajları haqqında»ǵı PQ-5216-sanlı qararı, usı qarar tiykarında Ministrler Kabinetiniń 2021-jıl 25-oktyabrde «Jetim balalar hám ata-ana qaramaǵınan ayrılǵan balalardı sociallıq qollap-quwatlawǵa baylanıslı qosımsha is-ilajlar haqqında»ǵı 656-sanlı qararları qabıl etildi.
Joqarıda atap ótilgen, Prezidentimizdiń 9-avgust 2021-jıldaǵı PQ-5216-sanlı qararınıń 15-bánti talaplarına tiykar, jetim balalar hám ata-ana qaramaǵınan ayrılǵan balalar hámde olardı perzentlikke yaki amangerlikke, qáwenderlikke, patronatqa alǵan puqaralarǵa Yuridikalıq xızmet kórsetiw orayları tárepinen biypul yuridikalıq xızmet kórsetiw yaki huqıqıy másláhátler beriw wazıypası júkletilgen.
Búgingi kúnde, rayonda 66 shańaraqlarda 79 jetim hám ata–ana qaramaǵınan ayrılǵan balalar tárbiyalanıp kelmekte.
Bul shańaraqlar menen sáwbetlesiwler ótkerilip, olarǵa dáslebinde Oraydıń jumısları, maqsetleri, baǵdarları hám funkciyaları menen tanıstırıldı.
Ótkerilgen ushırasıwlarda 20dan artıq huqıqıy xızmetler kórsetilip, ámeliyatta qıynap yaki túsinbewshilik bolıp atırǵan máseleleri boyınsha huqıqıy túsinikler berildi.
Bul baǵdarda bólim hám oray tárepinen 20dan aslam sáwbetlesiwler ótkerilip, ámelge asırılǵan jumıslar Qaraqalpaqstan teleradio kanallarında kórsetiw hám esittiriwler shólkemlestirilip, “Erkin Qaraqalpaqstan”, “Kegeyli turmısı”, “Tınıshlıq saqshısı” hám “Ǵárezsizlik hám Nızam” gazetalarında maqalalar járiyalandı.
Búgingi kúnde, mámleketimizdiń barlıq rayon hám qalalarında Ádillik ministrligi sistemasında yuridikalıq xızmet kórsetiw orayları iskerliginiń jolǵa qoyılıwı óziniń unamlı nátiyjesin kórsetpekte.
Bul boyınsha, yuridikalıq xızmet kórsetiletuǵın mámleketlik uyımlardıń oraylarǵa jiberiletuǵın hújjetler joybarların huqıqıy ekspertizadan ótkeriw hám qabıl etiw processlerin elektron formaǵa ótkeriwshi “E-huquqshunos” elektron sisteması jaratıldı, is júritiw tolıq elektronlastırılıp, qaǵazdan paydalanıwǵa shek qoyıldı.
Mámleketimiz basshısı tárepinen ótken dáwirdegi Oray iskerligine joqarı isenim bildirilip, Orayǵa jáne bir márte joqarı juwapkershilik júklenbekte.
Bunıń ayqın dáliyli sıpatında, Prezidentimizdiń 2022-jıl 18-mart kúni «Yuridikalıq xızmet kórsetiw orayları iskerligin jánede keńeytiriw boyınsha qosımsha is-ilajlar haqqında»ǵı PQ-173-sanlı qararı qabıl etildi.
Usı qarar talaplarına tiykar, 2022-jıl 1-avgust kúninen baslap:
– máhálle hám nuranıylardı qollap-quwatlaw bólimi;
– awıl xojalıq bólimi;
– turizm hám mádeniy miyras bólimi;
– sporttı rawajlandırıw bólimi;
– shańaraq hám hayal-qızlar bólimi;
– mámleketlik salıq inspekciyası;
– xalıq bántligine kómeklesiw orayı;
– mámleketlik ulıwma orta bilim beriw mektepleri;
– mámleketlik mektepke shekemgi bilimlendiriw shólkemleri;
– mámleketlik kóp tarmaqlı oraylıq hám shańaraqlıq poliklinikalarǵa basqıshpa-basqısh yuridikalıq xızmetler kórsetiliwi támiyinlenip kelinbekte.
Ózbekstan Respublikası Prezidentiniń 2022-jıl 2-dekabrdegi PP-258-sanlı Pármanı menen Ózbekstan Respublikası Prezidentiniń
2022-jıl 18-marttaǵı PQ-173-sanlı qararına kiritilgen ózgeris hám qosımshaǵa muwapıq 2023-jıl 1-yanvar kúninen baslap Jaslar isleri agentliginiń Kegeyli rayonı bóliminede yuridikalıq xızmet kórsetiw jumısları baslandı.
Maǵlıwmat ornında, Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararınıń 6-bánti talaplarına tiykar, yuridikalıq xızmet kѳrsetiliwi belgilengen shѳlkemler tárepinen Oray menen kelisilmegen halda yuridik tárizdegi hújjetler qabıl etiwge jol qoyılmaslıǵı, bunday hújjetler yuridik kúshke iye emesligi hámde olar qabıl etilgen waqıttan hesh qanday huqıqıy aqıbetlerdi keltirip shıǵarmaytuǵınlıǵı belgilep ѳtilgen.
Yuridikalıq xızmet kórsetiliwi lazım bolǵan mámleketlik uyım hám shólkemlerde nızambuzıwshılıqlardıń aldın-alıw hám nızam ústinligin támiyinlew ádillik bólimi hámde oraydıń baslı maqseti esaplanadı.
Bólim tárepinen jámi 1189 úgit-násiyat jumısları alıp barılıp, sonnan 8 márte televidenie, 19 márte radio, 15 márte gazeta 543 márte veb-sayt hám basqada elektron axborot quralları arqalı, 12 márte kórgizbeli hámde 592 márte awızeki huqıqıy úgit násiyat jumısları alıp barıldı.
IKMETULLAEV BAXADÍR BAYJANOVICH
Kegeyli rayonı ádillik bólimi Insan huqıqların
qorǵaw hám huqıqtı qollaw ámeliyatın úyreniw bólimshesi
bas máslaxatshisi