Янгиликлар
19
Yuridikalıq xızmet kórsetiw orayı iskerligi haqqında.
Moynaq rayonı yuridikalıq xızmet kórsetiw orayı tárepinen Ózbekstan Respublikası Prezidentiniń 2021-jıl 29-iyundaǵı «Mámleketlik uyımları hám shólkemlerine yuridikalıq xizmet kórsetiwdi jánede jedellestiriw is-ilajları haqqında»ǵı PP-5168-sanlı qararına tiykar 2021-jıl 1-oktyabrden baslap tiyisli mámleketlik uyımları hám shólkemleri hújjetlerin huqıqıy ekspertizadan ótkeriw elektron tártipte hújjetler almasıw jolı menen ámelge asırılıp kelmekte.
Oray iskerliginiń tiykarǵı baǵdarları tómendegilerden ibarat:
yuridikalıq xızmet kórsetiletuǵın mámleketlik uyımları hám shólkemleri iskerligin huqıqıy tárepten támiyinlew;
mámleketlik uyımlarǵa sıpatlı hám tájriybeli yuridikalıq járdem kórsetiw;
mámleketlik uyımları xızmetkerleriniń huqıqıy sawatxanlıǵı hám huqıqıy mádeniyatın asırıw;
mámleketlik uyımlarınıń múlkiy hám basqada huqıqları hám nızamlı máplerin óz waqtında, hár tárepleme hámde nátiyjeli qorǵalıwın támiyinlew;
mámleketlik uyımları tárepinen qabıl etilip atırǵan hújjetlerdiń nızamlı hámde hár tárepleme puxta hám sıpatlı bolıwın támiiynlew.
Oray tárepinen mámleketlik uyımlarǵa yuridikalıq xızmetler
“E–HUQUQSHUNOS” elektron sistemasınan paydalanǵan halda ámelge asırıladı.
“E–HUQUQSHUNOS” elektron sisteması tómendegi imkaniyatlarǵa iye:
elektron sistemaǵa ishki buyrıq, shártnamalar hám basqa yuridikalıq tárizdegi hújjetlerdiń úlgilerin kiritiw hámde bar bolǵan hújjetler úlgilerinen erkin paydalanıw;
elektron sistemadan paydalanıwshı shólkemler tárepinen jeke kabinetke kiriw, hár qanday hújjet joybarı hám oǵan salıstırmalı materiallardı tayarlaw, qayta islew hám juwmaq alıw ushın Orayǵa jiberiw;
Orayıń juwapker xızmetkerleri tárepinen, tiyisli juwmaq tayarlaw, hújjetlerdi elektron sanlı imza menen tastıyıqlaǵan halda, elektron sistemaǵa biriktiriw hámde óz–ara hújjet almasıw;
elektron sistemadan paydalanıwshı shólkemler tárepinen Oraylardan unamlı juwmaq alınǵannan keyin tákirarlanbaytuǵın arnawlı san beriw hám elektron tárizde qabıl etiw, usı hújjetlerdi avtomatik tárizde izbe–izlikte dizimge alıw;
mámleketlik uyımı iskerligin jedellestiriw boyınsha usınıslardı sistemaǵa biriktiriw, olardı qayta islew, usınıslardı elektron sanlı imza menen tastıyıqlaw hámde jiberiw;
úgit–násiyat ilajları menen baylanıslı materiallardı elektron sistema arqalı almasıw;
mámleketlik uyımlarına talapnama, sudlarǵa arza yaki dawa arzalardı kiritiw ushın olardıń joybarların qayta islew hám elektron sanlı imza menen tastıyıqlap kiritiw;
yuridikalıq xızmet kórsetiletuǵın shólkemlerde ótkeriletuǵın tekseriwlerde aralıqtan qatnasıw hámde olarǵa huqıqıy másláhátler beriw;
Oraylar tárepinen yuridik hám fizikalıq shaxslardan kelgen múrájatlardı úyrenip shıǵıw hám olarǵa tiykarlantırılǵan juwaplar jiberiwde qatnasıw.
Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararınıń 6-bánti talaplarına tiykar, yuridikalıq xızmet kórsetiliwi belgilengen shólkemler tárepinen Oray menen kelisilmegen halda yuridik tárizdegi hújjetler qabıl etiwge jol qoyılmaslıǵı, bunday hújjetler yuridik kúshke iye emesligi hámde olar qabıl etilgen waqıttan hesh qanday huqıqıy aqıbetlerdi keltirip shıǵarmaytuǵınlıǵı belgilep ótilgen.
Yuridikalıq xızmet kórsetiliwi lazım bolǵan mámleketlik uyım hám shólkemlerde nızambuzıwshılıqlardıń aldın-alıw hám nızam ústinligin támiyinlew Oraydıń baslı maqseti esaplanadı.
Bunnan tısqarı Prezidentimizdiń 2022-jıl 18-mart kúni «Yuridikalıq xızmet kórsetiw orayları iskerligin jánede keńeytiriw boyınsha qosımsha is-ilajlar haqqında»ǵı PQ-173-sanlı qararı qabıl etilip, qararǵa tiykar Yuridik xizmet orayları tárepinen yuridikalıq xızmet kórsetiletuǵın mámleketlik uyımları hám shólkemleri sanı aldın 12 bolsa, endi 20 dan aslam mekemelerge óz xızmetlerin kórsetiwi belgilengen.
Moynaq rayonı yuridikalıq xızmet kórsetiw orayı bas yuriskonsultı: A. Vasyakin.