Янгиликлар
18
Shımbay rayonı ádillik bólimi tárepinen 2022-jıl 12 ayi dawamında ámelge asırılǵan jumıslar haqqında
Shımbay rayonı ádillik bólimi tárepinen 2022-jıldıń 12 ayi dawamında tómendegi jumislar ámelge asırıldı.
Bólimge jil dawaminda 363 xat hám hújjetler kelip túsken bolsa, sonnan 324 hújjettiń orinlaniwi támiyinlenip, qalǵan 59 hújjetlerdiń orinlaniwi támiyinlenbekte.
Fizikalıq hám yuridikalıq shaxslardan kelip túsken múrájáátlar boyınsha bólimge 441 múrájáátlar (sonnan 402 shaǵım) kelip túsken bolıp, sonnan
381 múrájáát qanaatlandırılıp, 52 múrájáát boyınsha huqıqıy túsinik berilgen bolsa, 1 múrájáát tiyisliligi boyınsha jiberilgen hám 7 múrájáát ko’rip shig’iw tamamlandi.
Ótkerilgen 36 monıtorıng hám úyreniwler nátiyjesinde, jámi
6449 nızambuzıwshılıq jaǵdayları anıqlandi.
Sonıń menen birge, Jınayat isleri boyınsha sudına hám basqada wákillikli uyımlarg’a 28 hákimshilik juwapkershilik haqqında bayannamalar hám usınıslar kiritilip, 27 shaxs hákimshilik juwapkershilikke tartıldı.
Mısal ushın, bólim tárepinen Shımbay rayonı Medicina birlespesinde ótkerilgen monıtorıng nátiyjesine kóre, anıqlanǵan nızam hújjetleriniń buzılıwı, olardıń sebepleri hám oǵan alıp keliwshi shárt-shárayatlardı saplastırıw haqqında birlespege 18.03.2022-jılda orinlaniwi májbúriy bolg’an usınıs kiritilgen, biraq, birlespe lawazımlı shaxsları tárepinen usınıs belgilengen múddetlerde orınlanbaǵanlıg’i sebepli birlespe lawazımlı shaxsları qarsisina Ózbekstan Respublikası HJhKniń 1984-statyası 1-bólimi menen hákimshilik isi ju’rititlgen.
Bunnan tısqarı, anıqlanǵan nızambuzıwshılıq halatları boyınsha tiyisli mekeme, shólkem hám kárxanalarǵa 152 eskertiw, 170 usınıs kiritilip, 90 shaxs intizamiy juwapkershilikke tartılıwı hám 102 hújjetlerdiń biykar etiliwi támiyinlengen.
Atap aytqanda, 2022-jıl sentyabr ayında Shımbay rayonı prokuraturası menen birgelikte Shımbay rayonı Irrigaciya bóliminde bul tarawda qabıl etilgen Ózbekstan Respublikası Prezidenti qararlarınıń orinlaniwi boyınsha ótkerilgen úyreniwler nátiyjesinde, Irrigaciya bóliminiń óz jumıs iskerligine nemquraylıq penen qaraǵan juwapker xızmetkerlerine intizamıy juwapkershilikke tartıw ushın usınıs kiritilip, nátiyjesine kóre, 9 shaxs intizamıy juwapkershilikke tartıldı.
Sudqa 359 dawa arzalar kiritilip, olardıń bárshesi qanaatlandırıldı hám puqaralarǵa hámde yuridikalıq shaxslarǵa 710 064, 1 mıń swm mug’darindag’i
is-haqılar hám keltirilgen zıyanlardi o'ndiriw boyınsha sud qararları shıǵarılıwı támiyinlendi.
Sonıń menen birge, jıl dawamında 365 ma’retebe úgit-násiyat jumısları alıp barılıp, sonnan 34 teleko'rsetiw, 31 radio, 9 gazeta hám 291 ma’retebe veb saytlarda shıǵıwlar ámelge asırıldı.
Shımbay rayonı Ádillik bólimi