Янгиликлар
18
Turaq jay alıw ushın subsidiya kimlerge beriledi?
Xalıqtı social qollap-quwatlaw arqalı tabısı joqarı bolmaǵan hám de turaq-jay sharayatların jaqsılawǵa mútáj bolǵan shańaraqlardı sociallıq qollap-quwatlaw hám awır jaǵdayǵa túsip qalǵan hayal-qızlarlar, mámleketimiz sociallıq ómirinde jaslar hám sol taypadaǵı basqa xalıq qatlamlarına kómeklesiw hám turaq-jay sharayatların jaqsılawǵa mútáj shańaraqlardı mámleket tárepinen qollap-quwatlawda mánzillilik hám ashıqlıqtı támiyinlew maqsetinde Ózbekstan Respublikası Ministrler Kabinetiniń 2020-jıl 25-martta 182-sanlı qararı qabıl etildi.
Ózbekstan Respublikası Ministrler Kabinetiniń 2022-jıl 14-iyundaǵı “Ózbekstan Respublikası Húkimetiniń ayırım qararlarına ózgeris hám qosımshalar kirgiziw haqqında”ǵı 331-sanlı qararına tiykar 2020-jıl 25-martdaǵı “Turaq-jay satıp alıw yamasa jalǵız tártipdegi turaq-jaylardı qurıw hám rekonstrukciya qılıw ushın puqaralarǵa subsidiya tólew tártibi haqqında”ǵı 182-sanlı qararına tiyisli ózgertiw hám qosımshalar kirgizildi, subsidiya ajıratıw sisteması jáne de ápiwayılastırıldı hámde kóplegen hújjetlerdi talap etiw biykar etildi.
Qararǵa tiykar, juwapker shólkemler jeti jumıs kúninde arza beriwshiniń social kriteryalarǵa muwapıqlıǵın, usınıs etilgen hújjetler tiykarında shólkemlerde ámeldegi maǵlıwmatlar bazası menen salıstırǵan halda úyrenip shıǵıladı hám birden-bir ınteraktiv mámleketlik xızmetler portalında onlayn elektron formada tastıyıqlaydı.
Rayon (qala) hákimleri hám komissiya quramına kiritilgen hár bir shólkem hám mákeme basshıları komissiyanıń nátiyjeli hám nızamlı iskerlik aparıwı ushın jeke juwapker esaplanadı.
Turaq-jay satıp alıw yamasa jeke tártipdegi turaq-jaylardı qurıw hám rekonstrukciya qılıw ushın subsidiya ajıratılǵanlıǵı yamasa biykar etilgenligi haqqında birden-bir ınteraktiv mámleketlik xızmetler portalı arqalı arza beriwshilerge “SMS” xabar jiberiw sisteması engizildi.
Subsidiya ajıratıw haqqındaǵı xabarnamada talabanǵa mámleket byudjetinen ajratılatuǵın baslanǵısh tólem subsidiyanıń qatań belgilengen muǵdarı hám ipateka kreditiniń bir bólegin tolıq beriw boyınsha subsidiya ajratılıwı kórsetiledi hám de ipoteka kreditin ajıratıw kommerciyalıq bankleri tárepinen kórip shıǵılıwı hám bul xabarnama kredit ajratılıwınıń kepili emesligi qatań belgilep qoyıldı.
Tómendegi jaǵdaylarda arza beriwshige subsidiya ajıratıw biykar etiledi oǵan kóre
a)arzada kórsetilgen maǵlıwmatlar social kriteryalarǵa juwap bermese;
b) usınıs etilgen maǵlıwmatlar nadurıs yamasa jalǵan bolǵanda;
v) juwapker shólkemler tárepinen jámi 30 balldan tómen ball qoyılǵanda;
g)ilgeri qala hám awıllıq jerlerden arzan turaq-jay qurıw programmaları sheńberinde jeńilletilgen ipoteka kreditlerinen paydalanǵan halda kvartira yamasa jeke tártipdegi turaq-jay hám de subsidiya alǵanda (aldın alınǵan turaq-jay basqa shaxsqa ótkerilip jiberilgen taǵdirdede ) shańaraq aǵzaları (kúyewi, hayalı) tákrar múrájáát etkende;
d) Sol jıl ushın jılda aymaq ushın ajratılatuǵın subsidiya sanı tawsılǵanda;
e) arza beriwshiniń yaki sol shańaraqtıń ortasha aylıq tabısı :
Qaraqalpaqstan Respublikası hám wálayatlarda – Miynetke haq tólewdiń eń kem muǵdarınıń 2,7 esesinen kem hám 8,0 esesinen joqarı bolǵanda;
Tashkent qalasında - Miynetke haq tólewdiń eń kem muǵdarınıń 2,7 esesinen kem hám 9,2 esesinen joqarı bolǵanda.
Social kriteryalar boyınsha bahalaw nátiyjelerine kóre 30 hám odan joqarı ball toplaǵan, lekin ámeldegi jıl ushın belgilengen subsidiya sanı tawsılǵanda, talabanlarǵa biykar etilgenligi haqqındaǵı xabarnama jiberiledi.
Ámeldegi jıl ushın aymaqǵa ajıratılǵan subsidiya sanı tawsılǵan táǵdirde, programmalıq támiynat sistemasında arzalar qabıl etiliwi avtomatikalıq túrde toqtatılıladı.
Sonıń menen birge, subsidiya usınıwdıń mánzilliligin hám haqıyqıy mútáj shańaraqqa jetip barıwın támiyinlew maqsetinde bahalaw sistemasında tek shańaraq aǵzalarınıń (ómir joldası hám turmıs qurmagan perzentleri) dáramatların inabatqa alıw hám bahalawda social kriteryalar tiykarında kommerciyalıq bankleri tárepinen juwmaq berilmewi inabatqa alınıp, kommerciyalıq bankleriniń sistemadaǵı qatnasıwı tamamlandı.
Qararda bahalaw nátiyjelerin komissiya jıynalısı protokolı menen rásmiylestiriw ámeliyatı biykar etildi.
Aldaǵı waqıtlarda kóp puqaralarımızdıń subsidiya alıwıdaǵı áweregershilikleri hám túsinbewshiliklerindiń kemeyiwine hám de turaq-jayǵa ıyelik etiw múmkinshiligi asadı.
Qońırat rayonı ádillik bólimi
insan huquqların qorǵaw hám huquqtı qollaw ámeliyatın úyreniw bólimshesi
bas máslahatshisı A.Aymbetov