Янгиликлар
28
Bir múrájat izinen
11-sanlı mámleketlik mektepke shekemgi bilimlendiriw shólkemi tárbiyashısı V.Toreeva rayonlıq mektepke shekemgi bilimlendiriw bólimi esap-sanaq bólimi esapshısı J.Jumabaevanıń is-háreketlerinen narazı bolıp jollaǵan múrájatı úyrenildi.
Múrájattı úyreniw barısında, 11-sanlı mámleketlik mektepke shekemgi bilimlendiriw shólkemi tárepinen kásiplik awqam komiteti menen kelisilgen halda islep shıǵılǵan 2022-jılda shólkem xızmetkerlerine miynet dem-alısın beriw haqqındaǵı grafik tiykarında Sizge 2021-2022 jıllarda islegen kúnlerińiz esabınan 2022-jıl 1-iyul kúninen 16-avgust kúni aralıǵında jıllıq miynet dem-alısı berilip, bul boyınsha shólkem tárepinen 2022-jıl 1-iyul kúni 158-sanlı buyrıq qabıl etilgenligi anıqlandı.
V.Toreevaǵa usı buyrıq tiykarında, rayonlıq mektepke shekemgi bilimlendiriw bólimi tárepinen 3 338 259 swm 2021-2022 jıllardaǵı miynet dem-alısı pulı tólep berilgenлиги, shólkem tárepinen 2022-jıl 16-avgust kúni 2020-2021 jıllardaǵı gezektegi miynet dem-alısınan óz jumısına kirisiwge ruxsat beriw haqqındaǵı
242-sanlı buyrıqtı tiykar etip, V.Toreevaǵa rásmiy tárizde miynet dem-alısı berilmegen bolsa-da, nızamsız ráwishte rayonlıq mektepke shekemgi bilimlendiriw bólimi esapshısı J.Jumabaeva tárepinen 2022-jıl 16-avgust kúninen 29-sentyabr kúnleri ushın 2020-2021 jıllardaǵı miynet dem-alısı esabınan jámi 3 338 258 swm muǵdarındaǵı miynet dem-alısı pulın esaplap, tólegenligi anıqlandı.
Bunıń nátiyjesinde, shólkem tárepinen aylıq “tabel” berilgen bolsa-da, V.Toreevaǵa 2022-jıl avgust ayınıń ekinshi yarımı ushın 841 848 swm hám sentyabr ayınıń birinshi yarımı ushın bolsa 657 943 swm aylıq is-haqı esaplanbaǵanlıǵı málim boldı.
Múrájattı úyreniw nátiyjelerine kóre, V.Toreevaǵa esaplanbaǵan is-haqıları tolıq esaplanıwı hámde 2020-2021 jıllardaǵı miynet dem- alısınan paydalanıw huqıqı támiyinlep beriliwine erisildi.
Bunnan tısqarı, usı múrájat boyınsha rayonlıq mektepke shekemgi bilimlendiriw bólimi baslıǵı atına kiritilgen usınısqa tiykar mektepke shekemgi bilimlendiriw bólimi esapshısı J.Jumabaeva intizámiy juwapkershilikke tartılıwı támiyinlenip, V.Toreevanıń múrájatı qanaatlandırıldı.
Ulıwmalastırıp aytqanda, hár bir múrájattıń artında bir neshshe fizikalıq hám yuridikalıq shaxslardıń buzılǵan huqıq hám mápleri bar ekenligin umıtpawımız lazım.
Kegeyli rayonı ádillik
bólimi baslıǵı w.w.a B.Ikmetullaev