Янгиликлар
27
bilesizbe
Ózbekstan Respublikası Ministrler Kabinetiniń 14.11.2016-jıl 387-sanlı qararına tıykar Balanıń tuwılganlıǵın dizimge alıw májburiy bolıp, puqaralardıń turaqlı yáki waqtınsha dizimnen ótken jasaw jerine qaramastan PHAJ organı tárepinen ámelge asırıladı.
Tuwılǵanlıq haqqında arza bala tuwılǵan kúnınen baslap bır ay múddet ishinde awızekı yáki jazba túrde beriliwi zárúr.
Belgilengen múddettiń ótıp ketkenligi tuwılǵanlıqtıń dızımge alınıwına tosqınlıq ete almaydı.
Bunda, on altı jasqa shekem bolǵan balanıń tuwılǵanlıǵın dizimge alıw ushın PHAJ organına tuwılıwın dizimge alıw múddetin ótkerıp jıbergenligi sebepleri kórsetilgen arza balanıń ata-anası, ata-ananıń nızamlı nekesi bar bolsa olardıń biri yáki isenim xat tiykarında basqa mápdar bolǵan shaxs, ata-ananıń ornın basıwshı shaxs yáki qáwenderlik hám ámengerlik organlarınıń juwapker shaxsları tárepinen usınıladı.
Bunday jaǵdaylarda PHAJ organı tuwılıw faktın tastıyqlawshı hujjetke qosımsha ráwishte nızamshılıqta belgilengen tártipte basqada hujjetlerdi talap etedi.
On altı jastan asqan medecina birlespelerinen tısqarı basqa orınlarda, uy sharayatında, medecinalıq járdemsiz tuwılǵan balaǵa medecina birlespeleri tárepinen tuwılǵanlıq haqqında maǵlıwmatnama rásmiylestirilmegen shaxslardıń tuwılǵanlıǵın dizimge alıw sud qararı tiykarında ámelge asırıladı.
Eger bala 16 hám onnanda úlken jasta bolsa hám onıń medecina tárepinen tuwılǵanlıq haqqında maǵlıwmatnaması bar bolǵan jaǵdaylarda onıń tuwılǵanlıq akt jazıwı ata-anası yaki olardan biri hámde háreket uqıplılıǵına iye balanıń arzasına kóre dizimge alınadı.
Taxtakópir rayonı Ádillik
bólimi PHAJ bólimi baslıǵı A.Sagindikova