Янгиликлар
27
Insan huqıqların qorǵaw tarawındaǵı reformalar
Mámleketimizde jámiyettiń bárshe tarawlarında, sol qatarda insan huqıqların, erkinliklerin hám nızamlı máplerin qorǵaw barısında keń kólemli ózgerisler ámelge asırılıp atır.
2017-2021-jıl Ózbekstan Respublikasın rawajlandırıwdıń bes baslaması bóyınsha Háreketler strategiyası sheńberinde jeke, siyasıy ekonomikalıq, social hám mádeniy huqıqlardı támiyinlew tarawında anıq maqsetke qaratılǵan is-ilajlar ámelge asırılmaqta. Háreketler strategiyasınıń logikalıq dawamı bolǵan 2022-2026-jıllarǵa mólsherlengen Jańa Ózbekstan Rawajlanıw strategiyası qabıl etildi.
Bul hújjette jaqın keleshekte Ózbekstan rawajlandırıw tendensiyaları mámleket hám jámiyet turmısınıń barlıq tarawlarında kompleks rawajlandırıw tarawların anıq belgilep berdi. Mámleketimiz basshısı aytıp ótkenindey “Insan qádiri ushın” principi barlıq reformalarımızdıń bas tiykarı sıpatında belgiledik.
Sol tiykarda insan huqıqları boyınsha xalqara standartlar milliy nızamshılıqqa hám huqıqtı qollaw ámeliyatına basqıshpa-basqısh implementaciya islenip atır.
Juwmaqlap aytatuǵın bolsaq mámleketimizde ámelge asırılıp atırılǵan reformalar hám jańalanıw insan huqıqların qorǵawdı óz aldına eń úlken wazıypalardıń birine aylandırıp atırǵanın kóriwimiz múmkin.Bul bolsa mámleketimizdiń xalqara maydandaǵı birge islesiwin keńeyttirip,mámleketimizdiń milliy mápine xızmet etedi.
Qanlıkól rayonı Ádillik bólimi yuridikalıq
xızmet kórsetiw orayı baslıǵı J.Otemisova