Янгиликлар
26
Diniy ekstremizm hám terrorizmge qarsı gúresiw dáwir talabı
Mámleketimiz ázelden túrli milletke túrli dinde siyiniwshi xalıqlar tınısh-tatıw jasaǵan úlke esaplanadı.Házirgi kúnde Ózbekstan xalqınıń sanı 31millionnan asqan bolıp,olar 130dan zıyat milletke tiyisli bolıp esaplanadı.Solardan 94% Íslam dinine,qalǵan bólegi basqa dinlerge sıyıniwshilerden ibarat.Bárshemizge málim,búgingi kúnde musılman áleminde quramalı socialliq-siyasiy protsessler bolıp ótpekte.Sońǵı jıllarda túrli aǵımlar jaslar ishindegi iskerligin miynet migrantların tásir sheńberine alıw ,diniy ekstremistik mazmundaǵı materiallardı electron kórniste tarqatıw,internet arqalı úgit-nasiyatlaw sıyaqlı usıllarda ámelge asırmaqta.Ásirese ózin túrli atamalar menen atap alǵan terroristik shólkemler ózin islam jolında gúresip atırǵanlıǵı sıpatında kórsetip,bunıń aqıbetinde kóplep mámleketlerden musılman jaslar “hijrat” qılıw ham “jihod” da qatnasıp qurban bolıp atırǵanlıǵın kórmektemiz.
Diniy ekstremizm idealarınıń Orta Aziyaǵa kirip keliwinen maqset diniy qádiriyatlardı tiklew emes,bálkim sol idealardı tek qural qılıp nıqap sıpatında paydalanıw arqalı orınlarda tártipsizliklerdi ,diniy hám milletleraralıq kelispewshiliklerdi júzege keltiriw,ekonomikalıq mashqalalardı keltirip shıǵarıw,ekonimikanı túrli jollar menen izden shıǵarıw arqalı húkimetti kúshsizlendiriwden ibarat,hazirgi waqıtta dúnyanıń túrli orınlarında xalıqaralıq terrorizm hım diniy ekstemizimniń jańa qáwiplerine qarsı gúresiw barısında úgit-násiyat hám ámeliy iskerliktiń kúsheytirilgenligi hámde oǵan qarsı gúresiw tek ǵana huquqtı qorǵawshı organlar emes,keń jámiyetshiliktinde birinshi dárejeli wazıypası sıpatında tán alinǵan. Sol tıykarda, Ózbekstan Respublikasıda «Terrorizmge qarsı gúresiw haqqında»ǵı hám «Diniy ekstremizmge qarsı gúresiw haqqında»ǵı nızamlar qabıl etildi. Nızamnıń maqseti terrorizmge qarsı gúresiw tarawındaǵı múnásibetlerdi tártipke salıwdan ibarat. Bul nızamnıń wazıypaları shaxs,jámiyet hám mámlekettiń terrorizmnen qáwipsizligin támiyinlew,mámlekettiń suverenitteti aymaqlıq qáwipsizligin qorǵaw,puqaralar tınıshlıǵı hám milliy tatıwlıqtı saqlawdan ibarat.Sondayaq,terrorizm hám ekstremizm,olar aqıbetinde kelip shıǵatuǵın aqıbetleri jámiyette kriminal jınayatlardıń háwij alıwına xizmet qıladı.
Solay eken,mámleketimizde húkim súrip atırǵan tınısh,párawan turmısımızdı asıraw,ǵárezsizligimizdiń bekkemleniwine úlesimizdi qosıw hár birimizdiń tıykarǵı wazıypamız bolıwı lazım.
Qanlıkól rayonı yuridikalıq xızmet
kórsetiw orayı bas yuriskonsultı H.Inaeva