Янгиликлар
23
Ózbekstan Respublikası Prezidentiniń “2020-2023-jıllarda Qaraqalpaqstan Respublikasın kompleks social-ekonomikalıq rawajlandırıw ilajları haqqında”ǵı PQ-4889-sanlı qararı haqqında
2022-jılı 11-noyabr kúni húrmetli Prezidentimizdıń “2020-2023-jıllarda Qaraqalpaqstan Respublikasın kompleks social-ekonomikalıq rawajlandırıw ilajları haqqında”ǵı PQ-4889-sanlı qararı tastıyıqlandı.
Usı qarar mazmunında birinshi náwbette xalıqtıń ómiri hám den-sawlıǵın jaqsılaw hám de barlıq tarawlardı jedel rawajlandırıw máseleleri óz sawleleniwin tapqan.
Sonday-aq usı orında, injenerlik-kommunikaciya hám jol-transport infrdúzilmesin rawajlandırıw tarawında, 141 mıńnan zıyat xalıqtı oraylasqan ishimlik suwı támiynatı tarmaǵına jalǵaw hám xalıqtıń oraylasqan tarmaqlar arqalı taza ishimlik suwı menen támiyinlengenlik dárejesin 61,5 procentten 70,1 procentke jetkiziw, Nókis qalası, Taxiatas hám Xojeli rayonları oraylarında 105 mıńnan zıyat xalıq xojalıqların aqaba suw tarmaqlarına jalǵaw hám olardıń aqaba suw xızmetleri menen támiyinlew dárejesin 14, 1 procentten 20,2 procentke jetkiziw, Nókis qalası hám Taxiatas rayonında kóp kvartiralı turaq-jaylardıń ishki ıssılıq támiynatı sistemaların tolıq rekonstruktsiya qılıw, 9 xalıq punktlerinde tábiy gaz tarmaqların remontlaw hám de 246 xalıq punktlerin xojalıq gaz ballonları menen úzliksiz támiyinlew, 442 transformator punktin hám 1 023, 8 km elektr uzatıw tarmaqların qurıw hám de rekonstrukсiya qılıw hám elektr energiyası tutınıwı quwatın 1, 5 mlrd kVt/soatdan 2,1 mlrd kVt/saatga asırıw názerde tutılǵan.
Sociallıq infradúzilmeni rawajlandırıw tarawında bolsa, 21 mámleketlik mektepge shekemgi bilimlendiriw shólkemi, 400 shańaraqlıq mektepge shekemgi bilimlendiw shólkemi imaratların qurıw, sonnan 55 imarattı rekonstruktsiya qılıw hám ońlaw, 20 mektepge shekemgi bilimlendiriw shólkemin mámleketlik jeke seriklik tiykarında shólkemlestiriw, sonday-aq 7 ulıwma orta bilim beriw mekteplerin qurıw, 101 mektepti rekonstruciya qılıw hám ońlaw, sol tiykarda ulıwma orta bilim beriw mekteplerinde oqıwshı ornı koefficiyenti 1, 1 procentten asıp ketpewin támiyinlew, 32 medicina shólkemin qurıw, rekonstrukсiya qılıw hám de jeke medicina shólkemlerin shólkemlestiriw, sol tiykarda medicina mákemeleriniń qabıllaw quwatın 20,4 mıńǵa, orınlar sanın 7,1 mıńǵa jetkiziw belgilengen.
Sharayatı awır 45 máhelle hám awıllarda tazadan shólkemlestiriletuǵın xizmet kórsetiw baǵdarında isbilermenlik subektlerine 2026-jıl 1-yanvarǵa shekem, payda salıǵı, jer salıǵı, mal-múlk salıǵı, kishi kárxanalar aylanbasınan alınatuǵın salıq, jeke tártiptegi isbilermenlerdiń qatań muǵdardaǵı dáramat salıǵın tólewden azat etiw jeńilligi qollanıladı. Salıq kodeksine hám basqa nızamlarǵa ózgerisler kiritiledi - joqarıda atap ótilgen salıq jeńillikleri bekkemlenedi, sonıń menen birge tómendegiler ushın jeńillikler názerde tutıladı:
xalıqqa óz xojalıqlarında intensiv usılda balıq jetistiriw ushın zárúr bolǵan ásbap-úskene, material hám tovarlar jetkizip beretuǵın balıqshılıq klasterleri hám basqa da isbilermenlik subektlerine;
suw shıǵarıw ushın qudıq qazıw hám jumısqa túsiriw xızmetlerin kórsetiwshi isbilermenlik subektlerine, sonday-aq, olar tárepinen alıp kiritiletuǵın qazıw úskeneleri hám arnawlı transport qurallarına;
Qaraqalpaqstannıń ayrıqsha ózgesheliklerinen kelip shıǵıp, eń aktual ekonomikalıq iskerlik baǵdarlarında isbilermenlik subektlerine qarata da belgilengen.
Bunnan tısqarı, Andijan, Namangan hám Ferǵana wálayatları hákimlikleri isbilermenlik subektlerine Qaraqalpaqstanda biznes-joybarlardı ámelge asırıw ushın 2022-jıl 1-yanvarǵa shekem alınatuǵın bank kreditleri boyınsha girew támiynatı retinde kepillikler beredi. Shártleri, biznes-joybarlar sociallıq-ekonomikalıq tárepten rawajlanıw dárejesi tómen bolǵan Taxtakópir, Bozataw hám Shomanay rayonlarında, sharayatı awır 45 máhelle hám awıl aymaqlarında, sonıń menen birge, “ósiw noqatı” dep belgilengen ekonomikalıq iskerlik baǵdarları boyınsha tiyisli rayonlarda ámelge asırıladı. Kepillikler bank krediti summasınıń 50% bólegine, biraq 5 mlrd sumnan artıq bolmaǵan muǵdarda beriledi.
Kepillikler salıqlar hám de aldınǵı dúzilgen kredit shártnamaları boyınsha múddeti ótkerip jiberilgen qarızdarlıǵı ámeldegi bolǵan isbilermenlik subektlerine berilmesligi názerde tutılǵan.
Xojeli rayonı ádillik bóliminiń
Yuridikalıq xızmet kórsetiw
orayı bas yuriskonsultı G.Faxratdinova