Янгиликлар
22
Familiya, atı hám áke atı ózgertiw tártibi
Familiya, atı hám áke atın ózgertiw haqqında arzası arza beriwshi 16 jasqa tolǵannan keyin turar jerindegi PHAJ organı tárepinen kórip shıǵıladı. Eger 16 jasqa tolǵan shaxs paport yaki pasport ornın basıwshı shaxsın tastıyqlawshı basqa hújjet alǵanǵa shekem familiyası, atın, áke atın ózgertiriw haqqında arza berse, bunday jaǵdayda arzaǵa tuwılǵanlıq haqqında guwalıq qosımsha qılınadı. Familiya, isim, áke atın ózgertiriw haqqındaǵı arzalar:
“Mámleketlik til haqqında”ǵı Ózbekstan Respublikası Nızamınıń 15-statyasına asas,
sudtıń nızamlı kúshke kirgen qararına asas,
eger familiya hám isim esitiliwde jaǵımsız bolsa,
eger familiya hám isim milletine tuwrı kelmese,
qálewine qarap nekege shekemgi bolǵan familiyaǵa qaytıwda,
shańaraq ushın ulıwma bolǵan familiyada bolıwdı qálese,
16 jasqa tolǵan shaxsqa atalıq belgilewde kórip shıǵıladı.
PHAJ bólimi baslıǵı usınılǵan hújjetler asasında zárúr jaǵdaylarda basqa PHAJ organlarınan óziniń talabı boyınsha kerekli akt jazıwları nusqaların alǵanda jıynalǵan hújjetlerdi tigedi hám tiyisli tekseriw ótkeriw ushın ishki isler organına jónetedi. Ishki isler organı usınılǵan hújjetlerdi 30 kún ishinde úyrenip shıǵadı, arza beriwshiniń familiyası, atı, ákesiniń atın ózgertiriw haqqında tiykarlanǵan xulasa dúzedi hám onı PHAJ organına usınadı. Arza beriwshiniń familiyası, atı, áke atıniń ózgertiliwi maqsetke muwapıq emesligi haqqında xulasa dúzilgen jaǵdayda bul halattıń anıq sebepleri kórsetiledi.Ishki isler organınıń xulasasın alǵannan keyin PHAJ organı usınılǵan hújjetler tiykarında familiya, atı, áke atın ózgertiriw yaki ózgertiwdi rad etiw haqqında tiykarlanǵan xulasa dúzedi.
Nókis rayonı PHAJ bólimi inspektorı G.Otepova