Янгиликлар
21
Nızamshılıqta pedagoglarǵa qanday jeńillikler bar
Oqıtıwshılar shártli túrde medicinalıq kórikten ótiwi belgilengen bolıp bul ushın olar pul tólemeydi. Medicinalıq kórikten ótiw waqtında xızmetkerdiń jumıs ornı hám ortasha aylıq is haqısı saqlanadı.
Tómendegi jaǵdaylarda oqıtıwshılarǵa ústeme tóleniwi belgilengen:
- Inklyuziv bilim klasslarına sabaq beriwshi;
- Awıllaldaǵı mekteplerde dene tárbiya oqıtıwshısı bolıp islep atırǵan hayal oqıtıwshılarǵa;
- PhD hám oǵan teńlestirilgrn basqa ilimiy dárejege iye qánigelerge;
- Bilim sapası tómen bolǵan mekteplerde basqa aymaqlardan kelip sabaq berip atırǵan;
- Shet tiller pánleri oqıtıwshılarına.
Matematika, fizika, ximiya hám biologiya pánleri boyınsha xalqara hám respublika olimpiadaları jeńimpazların tayarlaǵan professor-oqıtıwshılarǵa pul sıylıqları beriledi.
Xalıq bilimlendiriw sistemasındaǵı pedagog xızmetkerlerge tutınıw kreditleri hám avtotransport satıp alıw ushın jeńilletilgen kreditler beriledi.
Pedagog kadrlar óz qálewi menen náwbetten tısqarı attestaciyqadan ótiwi múmkin.
Pensiya jasına tolǵan pedagog kadrlar náwbettegi attestaciyaǵa shaqırılmaydı hám olardıń ámeldegi kategoriya dárejesi saqlap qalınadı;
Pensiya jasına tolǵan pedagog kadrlar óz qálewi menen náwbettegi attestaciyadan tısqarı attestaciyadan ótip qánigelik dárejesi artqan jaǵdayda jańadan tastıyıqlanǵan dárejesi boyınsha haqı tólenedi.
Qalaberse, nızamda oqıtıwshılardıń iskerligine aralasqanlıq ushın juwapkershilik belgilengen. Bilim beriw shólkeminiń pedagog xızmetkeriniń kásibiy iskerligine bilim alıwshılardıń bilimin tuwrı hám halıs bahalawǵa tásir kórsetiw ushın aralasıw yamasa xızmet wazıypaların atqarıwǵa tosqınlıq etiw puqaralarǵa hám lawazımlı shaxslarǵa shtraf salıwga sebep boladı.
Nókis qalalıq yuridikalıq xızmet kórsetuw orayı
bas yuriskonsultı G.Dauletova