Янгиликлар
01
Yuridikalıq xızmet kórsetiw orayları iskerligine 1 jıl toldı.
Yuridikalıq xızmet kórsetiw orayları tárepinen ótken bir jıl dawamındaǵı iskerligine názer.
Xabarıńız bar, Ózbekstan Respublikası Prezidentiniń 2021-jıl 29-iyun kúni qabıl etilgen «Mámleketlik uyımları hám shólkemlerine yuridikalıq xızmet kórsetiw iskerligin elede jetilistiriw is-ilájları haqqında»ǵı PQ-5168-sanlı qararına tiykar, 2021-jıldıń 1-oktyabr sánesinen baslap Respublikamızdıń barlıq rayon (qala)larında Yuridikalıq xızmet kórsetiw orayları shólkemlestirildi.
Usı Oraylarda jámi 77 xızmetker iskerlik kórsetpekte.
Bùgingi kùnde Oraylar tárepinen 19 mámleketlik uyım hám shólkemlerge, sonıń menen birge 726 mámleklik ulıwma bilim beriw mektepleri, 436 mámleketlik mektepke shekemgi bilimlendiriw shólkemlerine yuridikalıq xızmet kórsetpekte.
Respublikadaǵı bárshe rayon (qala) yuridikalıq xızmet kórsetiw oraylarına huquqıy ekspertizadan ótkeriw ushın ótken bir jıl dawamında
150 mıńnan artıq hùjjet joybarları kelip tùsti.
Bul hújjet joybarlarınıń 100 mıńnan artiǵı buyrıq joybarları, 50 mıńnan artıq shártnama joybarların quraydı.
Oraylar tárepinen hújjet joybarları huqıqıy ekspertizadan ótkerilip, sonnan 140 mıńnan artıǵına unamlı juwmaqlar berilgen bolsa, 2 mıńnan artıǵına unamsız juwmaqlar berildi. Sonıń menen birge, 10 mıńnan artıq hújjet joybarlarınıń kemshilikleri bolǵanlıǵı sebepli huqıqıy ekspertizadan ótkerilmesten kemshiliklerdi saplastırıw ushın joybar islep shıǵıwshısına qaytarılǵan.
Sonday-aq, Oraylar tárepinen yuridikalıq xızmet kórsetiletuǵın shólkemler mápin gózlep sudqa shekem sheshiw boyınsha 58 talapnamalar kiritilip, usı talapnamalar tiykarında jámi 2 mlrd sumǵa jaqın pul qarjıları yuridikalıq xızmet kórsetiletuǵın shólkemler paydasına tolıq óndirildi.
Bunnan tısqarı, Oraylar tárepinen yuridikalıq xızmet kórsetiletuǵın shólkemler xızmetkerleri ushın, sonıń menen birge ǴXQ jáne sociallıq tarmaqlarda 4 mıńnan artıq úgit-násiyat ilajları ótkerildi.
Juwmaqlap aytqanda, mámleketimizdiń bárshe rayon hám qalalarında Ádillik ministrligi sistemasındaǵı Yuridikalıq xızmet kórsetiw orayları iskerliginiń jolǵá qoyılıwı óziniń unamlı ńátiyjesin kórsetpekte
Parahat Kojametov
Qaraqalpaqstan Respublikası Ádillik ministrligi
Huqıqıy xızmetler bólim baslıǵı