Янгиликлар
30
Jeńil avtomobilde jolawshı tasıw licenziya betin alıwdıń jańa tártibi eńgizildi
Jeńil avtomobilde jolawshı tasıw licenziya betin alıwdıń jańa tártibi eńgizildi
2022-jıl 07-iyul kúngi Ózbekstan Respublikası Prezidentiniń «Avtotransport quralların basqarıwda hám jónelissiz taksi iskerligin ámelge asırıwda qosımsha qolaylıqlar jaratıw haqqında»ǵı PQ-311-sanlı qararı qabıl etildi.
Qarardıń 5-bántine tiykar, 2022-jıl 1-sentyabrden 2024-jıl aqırına shekem tómendegishe tártip eńgizilmekte:
- sıyımlılıǵı aydawshıdan tısqarı tórtewden artıq bolmaǵan orınlarǵa iye bolǵan jeńil avtotransport qurallarında tasıw iskerligi ózin ózi bánt etken shaxslar shuǵıllanıwı múmkin bolǵan iskerlik (jumıslar, xızmetler) túrleri dizimine kiritiledi;
- ózin ózi bánt etken shaxslar tárepinen jolawshılardı jeńil avtotransport qurallarında tasıw iskerligi licenziya beti tiykarında ámelge asıriladı;
- licenziya betin beriwde avtomobildiń ekspluataciya dáwirine qoyılǵan talap biykar etiledi;
- jolawshılardı jeńil avtotransport qurallarında tasıw iskerligi menen shuǵıllanatuǵın ózin ózi bánt etken shaxslar (keyingi orınlarda - ózin ózi bánt etken tasıwshılar ) bir jılda bir márte transport quralın texnikalıq kórikten ótkeriwi shárt;
- ózin ózi bánt etken tasıwshılar «Uztrans» málimleme sisteması bazasına kiritilgen kóp tarmaqlı poliklinikalar hám jeke medicina mákemeleri arqalı bir jılda bir márte medicinalıq kórikten ótiwi shárt;
- jónelissiz taksi iskerligi ushın licenziya beti berilgenligi ushın mámleketlik bajı barlıq túrdegi tasıwshılardan jılına bazalıq esaplaw muǵdarınıń bir esesi muǵdarında óndiriledi. Bunda mámleketlik xızmetlerdi kórsetiwde jıyım óndirilmeydi;
- jónelissiz taksi xızmeti iskerligine ruxsat beretuǵın licenziya betlerinde iskerlik aymaǵı kórsetiledi;
- ózin ózi bánt etken tasıwshılardıń avtomobil transportına «TAXI» belgili toq sarı reńli fonar ornatıladı;
- basqa tarawlarda miynet shártnamasına tiykar bánt bolǵan shaxslar bir waqıttıń ózinde jolawshılardı jeńil avtotransport qurallarında tasıw iskerligi menen ózin ózi bánt etken shaxs retinde dizimnen ótken halda shuǵıllanıwları múmkin.
Nókis rayonı Ádillik bólimi
Mámleketlik xızmetler orayı bólim baslıǵı
Patshaxanov Absali Adilbayevich