Янгиликлар

Balalar napaqası kimlerge beriledi?

---

Balalar napaqası kimlerge beriledi?

         Ózbekstan Respublıkası Prezidentiniń 2021-jıl 11-avgust kungi «Kem támiyinlengen shańaraqlarǵa materiallıq járdem kórsetiw hám de kambaǵallıq penen  gúresiw kólemin jáne de keńeytiw ilajları haqqında »ǵı  PF-6277-san Pármanına muwapıq 2021 jıl 1 sentyabrden baslap 14 jasqa shekem balaları bolǵan shańaraqlarǵa napaqa  hám de bala 2 jasqa shekemgi   bala kutimi napaqası  ornına kem támiyinlengen shańaraqlarǵa balalar napaqası  engizildi. Bunda, balalar napaqasın  belgilewde:  
-Inabatqa alınatuǵın balalar jası 14 jastan 18 jasqa shekem asırıladı ;
- Tólew múddeti 6 aydan 12 uzaytırıldı ;
-onıń muǵdarın shańaraqtaǵı balalar sanınan kelip shıǵıp belgilew tártibi qollanıladı ;
- jalǵız baslı  puqaralarǵa, perzentı bolmaǵan yamasa barlıq perzentlerı 18 jastan úlken bolǵan kem támiyinlengen shańaraqlarǵa materiallıq járdem tayınlanadı.
Sonday-aq  parmanǵa  tiykar   2021-jıl 1-sentyabrden baslap Balalar napaqası hám kem támiyinlengen shańaraqlarǵa materiallıq járdem tólewleriniń tómendegi muǵdarları belgilendi.
- balalar napaqasınıń  hár aylıq muǵdarı :
250 000 sum — 3 jastan 18 jasqa deyingi bir perzenti ushın, 325 000 sum — jası 3 jasqa deyingi bir kishi perzenti ushın ;
150 000 sum — shańaraqtıń ekinshi perzenti ushın qosımsha ;
100 000 sumnan — shańaraqtıń úshinshi hám odan keyingi hár bir perzenti ushın ;
-kem támiyinlengen shańaraqlar ushın materiallıq járdemniń aylıq muǵdarı — 380 000 sum.
Balalar napaqasın alıw ushın kem támiyinlengen dep tan alıw 2021-jıl 1-oktyabrden baslap, «Social qorǵaw birden-bir reestri» informaciya sisteması arqalı shańaraqlar hám shaxslar tuwrısındaǵı maǵlıwmatlar mápdar ministrlik hám keńselerge «Elektron húkimet» sisteması keńseleraralıq  integraciyalasıw platforması arqalı usınıs etiletin hám tayınlanatın boldı .
         Ózbekstan Respublikası Ministrler Kabinetiniń  2021-jıl 21-oktyabr kungi “Xalıqtı social qorǵaw sestemasın janede jetilistiriw is-ilajları haqqında”ǵı qararı menen    Kem támiyinlengen shańaraqlardı «Social qorǵaw birden-bir reestri» informaciya sisteması arqalı anıqlaw, olarǵa kem támiyinlengen shańaraqlar balaları ushın napaqa  hám materiallıq járdem belgilew hám tólew tártibi haqqında reje tastıyıqlandı.
       Usı Rejeniń  2-bab 7-bantine tiykar Shańaraqtıń hár bir aǵzasına jámi bir aylıq ortasha dáramat minimal tutınıw qárejetleri muǵdarınan aspaǵanda kem támiyinlengen dep esaplanadı hám balalar napaqası yaki materiallıq járdem jasaw jayı boyınsha shańaraqtıń hareket  uqıplılıǵına iye  aǵzasınıń jazba arzasına tiykarında tayınlanadı.
   Tómendegi jaǵdaylar ámelde bolǵanda, shańaraqtı kem támiyinlengen esaplanbaydı  hám oǵan tiyisli túrde balalar napaqası yamasa materiallıq járdem tayınlanbaydı :
- arza beriwshi  shańaraǵınıń hár bir aǵzasına tuwrı keletuǵın bir aylıq ortasha jámi dáramat belgilengen kriteriyadan asqanda ;
- iyeliginde  hám atında birden artıq kóshpes múlki yamasa bir hám odan artıq jay imaratları bolǵanda.
-Napaqa sorap arza menen murajaat etiwshı shaxs atında yaki shanaraq aǵzaları atına rásmiylestirilgen yaki bas isenimnama menen rásmiylestirilgen tómendegi jaǵdaylarda  
-Islep shıǵarılǵan múddeti 7 jıldan aspaǵan, texnikalıq jaǵdayı saz ásbapları bolǵan jeńil avtotransport quralı ;
islep shıǵarılǵan múddeti 15 jıldan aspaǵan, texnikalıq jaǵdayı saz ásbapları bolǵan júk tasıwshı avtotransport quralı, avtobus, mıkroavtobus, ekskavator, traktor, kombayn, júk tasıwshı avtotransport qurallarınıń tirkemelerı hám yarım tirkemeler, avtokran hám basqa qurılıs texnikası ;
- arza beriwshi jáne onıń shańaraq aǵzalarınıń kommerciya banklarındegi depozit esap betlerinde arza berilgen ayda ámelde bolǵan miynetke haqı tólew eń kem muǵdarınıń bes hám odan artıq muǵdarda qarjıları bolǵanda ;
- arza beriwshi  jáne onıń shańaraq aǵzalarında arza berilgen ayda bazar mánisi miynetke haqı  tólew eń kem muǵdarınıń bes hám odan artıq summanı quraytuǵın qımbatlı qaǵazlar bolǵanda ;
- Ózbekstan Respublıkası Qorǵaw ministrligi, Ishkı isler  ministrligi, Ayrıqsha jaǵdaylar ministrligi, Ózbekstan Respublıkası Prezidenti Mámleket lik qawipsizlik xızmeti, Milliy Gvardiya, Mámleketlik qawipsizlik xızmeti, Mámleket bajıxana komiteti xızmetkerleri yamasa olardıń shańaraq aǵzaları (ómir joldası hám balaları ), sonıń menen birge, pensionerleri tárepinen arzalar usınıs etilgende;
Ministrler Kabinetıniń 2019 jıl 9 yanvar kungi  11-san qararı menen tastıyıqlanǵan Sudyalar hám olardıń shańaraq aǵzaları pensiya támiynatı shártleri, normaları hám de tártibi haqqındaǵı Rejege  tiykarınan pensiyalar menen támiyinlengende;
z) shańaraqta miynet shólkemleri tárepinen tayınlanǵan jumıssızlıq  napaqasin alıp atırǵan aǵzaları bolǵanda ;
ı) shańaraqtıń aqırǵı 12 ay dawamında jumıs izlep  atırǵan aǵzası tárepinen miynet shólkemleriniń maqul keletuǵın jumısqa tiyisli usınısların úzliksiz túrde (eki hám odan artıq márte) bas tartqanda  
k) rásmiy dáramat dáreklerine iye bolmaǵan hám aqırǵı altı ay dawamında jumıs izlep miynet shólkemlerine murajaat  etpegen hám de miynet shólkemlerinde esapta túrmaǵan, ózin-ózi bánt etken shaxslar dizimine kiritilmegen yamasa jámiyetlık jumısları qatnasıwshısı esaplanbaǵan miynetke uqıplı shańaraq aǵzası bolǵanda.

Nókıs Qalası Yuridikalıq xızmet
kórsetiw orayı Bas Yuriskonsultı                                Sh.Mambetsapaev

---