Янгиликлар
30
Mayıplıǵı bolǵan jaslarǵa oqıw, jasaw hám transport ǵárejetlerin qaplaw ushın mámleket tárepinen subsidiyalar ajırаtıladı.
Mayıplıǵı bolǵan jaslarǵa oqıw, jasaw hám transport ǵárejetlerin qaplaw ushın mámleket tárepinen subsidiyalar ajırаtıladı.
Ózbekstan Respublikası Ministrler Kabinetiniń 2022-jıl 21-iyun kúngi “Mayıplıǵı bolǵan jaslardı sociallıq qollap-quwatlaw boyınsha mámleketlik xızmetlerdi kórsetiwdiń hákimshilik reglamentlerin tastıyıqlaw haqqında”ǵı 341-sanlı qararı qabıl etildi.
Qarar menen Mayıplıǵı bolǵan jaslarǵa oqıw, zárúr hallarda jasaw hám transport ǵárejetlerin qaplaw ushın subsidiya ajratıwdıń hákimshilik reglamenti hám Mayıplıǵı bolǵan jaslarǵa ásbap-úskene hám miynet quralların satıp alıw ushın subsidiya ajratıw boyınsha hákimshilik reglamenti tastıyıqlandı.
Subsidiyalar 2022-jıldıń 1-avgustinen baslap Ózbekstan Respublikası Jaslar isleri agentliginiń Jaslarǵa baylanıslı mámleketlik siyasatın qollap-quwatlaw fondı esabınan hár jılı
14-30 jas aralıǵındaǵı 500 mayıplıǵı bolǵan jaslarǵa bazalıq esaplaw muǵdarınıń 50 esesine
(15 million) shekem muǵdarda ajıratıw sisteması jolǵa qoyıldı.
Subsidiya 2 jóneliste ajratıladı:
a) mayıplıǵı bolǵan jaslarǵa oqıw, jasaw hám transport ǵárejetlerin qaplaw ushın;
b) mayıplıǵı bolǵan jaslarǵa ásbáp-úskeneler hám miynet quralların satıp alıw ushın.
Mayıplıǵı bolǵan jaslarǵa oqıw, jasaw hám transport ǵárejetlerin qaplaw ushın arza beriwshi – qararǵa muwapıq subsidiya ajıratıwdı sorap múrájat qılǵan on tórt jasqa tolǵan hám otız jastan aspaǵan mayıplıǵı bolǵan Ózbekstan Respublikası puqarası, Ózbekstan Respublikası aymaǵında jasaw guwalıǵına iye bolǵan shet el puqarası yáki puqaralıǵı bolmaǵan shaxs (on altı jasqa tolmaǵan shaxs atınan múrájat qılǵanda onıń nızamlı wákili) tárepinen mámleketlik emes bilimlendiriw shólkeminde oqıw yáki ásbap-úskene satıp alıw ushın subsidiya ajıratıwdı sorap mámleketlik xızmetler orayına múrajat qıladı yaki Birden-bir interaktiv mámleketlik xızmetler portalı arqalı Jaslar isleri agentligine tuwrıdan-tuwrı arza jiberedi.
Eger arza on altı jasqa tolmaǵan mayıplıǵı bolǵan balanıń nızamlı wákili tárepinen berilse, onıń jeke identifikaciya nomeri (JSh ShIR) hám balanıń nızamlı wákili ekenligin tastıyıqlawshı hújjet;
Mámleketlik emes shólkemi tárepinen arza beriwshini oqıtıw haqqında shártnamanıń elektron nusqası («pdf» yáki «jpg» formatda). Shártnamada mámleketlik emes bilimlendiriw shólkeminiń atı, STIR, bank esap-beti, jaylasqan mánzili, arza beriwshi oqıwdı qálegen kásip-óner túri yáki bilimlendiriw jónelisi, oqıw múddeti, oqıwdıń bir aylıq hám ulıwma tólem muǵdarı kórsetiliwi kerek.
Transport ǵárejetlerin qaplaw soralǵanda – jol ǵárejetlerin tastıyıqlawshı hújjetlerdiń elektron nusqaları (eger bar bolsa «pdf» yáki «jpg» formatda);
jasaw ǵárejetlerin qaplaw soralǵanda – ijara shártnaması hám onıń salıq organlarında esapqa qoyılǵanlıǵı haqqındaǵı bildiriwdiń elektron nusqası (eger bar bolsa, «pdf» yáki «jpg» formatda).
Arza Agentlik tárepinen 15 kún múddet ishinde kórip shıǵıladı.
Sorawnama tiykarında Agentlik arza beriwshige subsidiyanı tólew yaki tólewden bas tartıw haqqında elektron sistemaǵa maǵlıwmat kiritedi hámde arza beriwshige SMS-xabarnama jiberedi.
Mayıplıǵı bolǵan jaslarǵa ásbáp-úskeneler hám miynet quralların satıp alıw ushın qálegen mámleketlik xızmetler orayına múrajat etedi yáki Birden-bir interaktiv mámleketlik xızmetler portalınan mámleketlik xızmetten elektron tárizde paydalanıw ushın dizimnen ótedi.
Arza beriwshi Reglamentke muwapıq sorawnamaǵa tómendegi hújjetlerdi qosımsha qıladı:
Kásipke tayarlaw, qayta tayarlaw, qánigeligin arttırıw, isbilermenlik xám kásip-ónerge úyretiw kursların tabıslı tamamlaǵanlıǵın tastıyıqlawshı arnawlı sertifikat («pdf» yaki «jpg» formatda).
Sorawnama tiykarında Agentlik arza beriwshige subsidiyanı tólew yáki onı tólewden bas tartıw haqqında qarar qabıl etedi, susidiya tólew haqqında qarar qabıl etilgende Agentlik ásbap-úskeneler hám miynet quralların satıp alıw ushın subsidiyanı rayon (qala)lıq bólimi esap-betine ótkeredi hám bul haqqında elektron tárizde maǵlıwmat kiritedi, arza beriwshige SMS-xabarnama jiberedi.
Agentliktiń rayon (qala)lıq bólimi kelip túsken subsidiyanı bes jumıs kúninde arza beriwshiniń múrájatına tiykar kórsetilgen ásbap-úskeneler yáki miynet quralların satıp alıw ushın sawda shólkeminiń esap-betine ótkerip beredi hámde satıwshı, qarıydar hám máhálledegi jaslar jetekshisi tárepinen tapsırıw-qabıl qılıw AKTi tastıyıqlanıp Agentlikke usınıladi.
Nókis qalası Ádillik bólimi
Mámleketlik xızmetler orayı bólim baslıǵı B.Nurlıbekov