Янгиликлар
31
Korruptsiyaǵa qarsı komplaens qadaǵalawdı júritiwge arnalǵan ushrasıw ótkerildi
Ózbekstannıń jańalanǵan siyasatı jámiyette ádalat hám nızam ústinligin joqarı dárejege kóteriw, zamanagóy nátiyjeli mámleket basqarıwın engiziw, mámleket hizmetshilerinde korruptsiyalıq jaǵdaylardıń barlıq kórinislerine qatań shıdamsızlıq ruwxın qáliplestiriw, xalıqtıń mápin sózsiz támiyinlew sıyaqlı joqarı ideyalarǵa tiykarlanbaqta.
Bul orında reformalardıń anıq nátiyjeliligine erisiw maqsetinde mámleket hám jámiyettiń hár bir salasında korruptsiyaǵa qarsı gúresiw natiyjeliligin izbe-ız támiyinlep barıw оg'ada úlken áhmiyetke iye.
Usi maqsette Qaraqalapaqstan Respublikası Ádillik ministrligi tárepinen «Korruptsiyag'a qarsi gúresiw aymaqlıq keńesi» ag'zaları qatnasında ushrasıw sholkemlestirilip, ushrasıwg'a Qaraqalapaqstan Respublikası Ádillik ministri basshılıq etti hám alıp bardı.
Ushrasıw dawamında Korruptsiyaǵa qarsı komplaens qadaǵalaw júritiw tártibi, komplaens qadaǵalaw sistemasıniń payda bolıwı tarıyxı hám onı payda etiwde gózlengen maqset hám bul baqlaw tártibiniń abzallıqları túsindirildi.
Sonıń menen birge ushrasıw dawamında taraw qánigeleri tárepinen bul qadag'alaw sisteması haqqında túsinikler beriw menen bir qatarda Ádillik ministrligi quramına kadrlar tańlaw hám tayınlaw bag'darında engizilgen komplaens qadaǵalaw tártibinede toqtaldı.
Ushrasiw Qaraqalpaqstan Respublikası aymaqliq Keńes ag'zalari menen bir qatarda onlayn tártipte rayon (qala) lardag'i wákillerde qatnastı hám óz-ara pikir almasiwlar menen dawam etti.