Янгиликлар
20
kóshpeli qabıllaw shólkemlestirildi
Aldın xabar bergenimizdey Qarakalpaqstan Respublikası Ádillik ministrliginiń tastıyıqlanǵan rejesine tiykar Qanlıkól rayonı Nawrız awıl puqaralar jıyınında kóshpeli qabıllaw shólkemlestirilip, ministr orınbasarı E.Tursunov tárepinen awıl turǵınlarınıń mashqalaları tıńlandı.
Kóshpeli qabıl dawamında eliwden aslam puqara qatnastı, on jeti puqara tárepinen bildirilgen mashqalaları ornında óz sheshimin taptı, bes puqaranıń (kommunal, kadastr hújjeti, salıq járiyması, tuwılganlıq haqqında guwalıq alıw, bank kredit, jumıssızlıq, sud qararı orınlanıwı) máseleleri boyınsha úyrenip shıǵıw ushın múrajatları tiyisli tártipte qabıllap dizimge alındı, sonday-aq jigirmadan aslam puqara tárpinen bildirilgen múrajatlarǵa huqıqıy másláhátler berildi.
Bunnan tısqarı, kóshpeli qabıllawda huqıqıy maǵlıwmatlar jaylastırılǵan bukletler tarqatılıp, awıl aymaǵında jaylasqan 2-sanlı ulıwma bilim beriw mektebine kitaplar toplamı sawǵa etildi.
Kóshpeli qabıl dawamında Qanlıkól rayonı ádillik bólimi mámleketlik xızmetler orayı xızmetkerleri puqaralarga balalar baqshasına nawbetke qoyıw, elektron sanlı imza alıw, pensiya haqqında maǵlıwmatnama alıw, turaq jayının Kadastr pasportın tayarlaw, injener kamunikaciya tarmaqlarına jalǵanıw sıyaqlı mámleketlik xızmetler kórsetildi
Ministr orınbasarı tárepinen sol kúnniń ózinde Shomanay rayonınıń uzaq aymaqlarınıń biri esaplanǵan Diyxanabad awıl puqaralar jıyınında kóshpeli qabıllaw shólkemlestirilip, awıl turǵınlarınıń mashqalaları tıńlandı.
Kóshpeli qabılaw dawamında onnan artıq puqaralardıń ornında óz sheshimin taptı, onnan artıq puqaranıń (kommunal, kadastr hújjeti, salıq járiyması, PHAJ metrika, bank kredit, jumıssızlıq, sud qararı orınlanıwı)máseleleri boyınsha úyrenip shıǵıw ushın múrajatları tiyisli tártipte dizimge alındı, sonday-aq jigirmadan aslam puqara tárpinen bildirilgen múrajatlarǵa huqıqıy másláhátler berildi.
Bunnan tısqarı, ministr orınbasarınıń baslaması menen jumıssız bolǵan awıl turǵınına subsidiya tiykarında tigiw mashinası tapsırıldı, bir puqaranıń múrájatı boyınsha nágiranlıǵı bolǵan anasına nágiranlıq arbashası berildi, awıl aymaǵında jaylasqan 9-sanlı ulıwma bilim beriw mektebinin kitapxana fondina kitaplar toplamı sawǵa etildi.
Kóshpeli qabılaw dawamında Shomanay rayonı ádillik bólimi mámleketlik xızmetler orayı xızmetkerleri tárepinen eliwden aslam kóshpeli xızmetler kórsetildi.