Янгиликлар
Nızamshılıqtaǵı jańalıqlar
Nızamshılıqtaǵı jańalıqlar
Kirgizilgen qosımshalarǵa kóre, waqtınsha salıq jeńilliklerine, Prezident yamasa Húkimet qararlarında yuridikalıq shaxslardıń mal-múlk salıǵı hámde yuridikalıq shaxslardıń jer salıǵınan tolıq azat etiw jenilligine iye salıq tólewshiler usı salıqlardı 1 procent muǵdarında tóleydi (usı tártipte 3 aydan soń kúshke kiredi).
Payda salıǵın esaplawda Balalardı qollap-quwatlaw jámiyetlik qorına qayırqomlıq islengen qarjılar salıq bazasın anıqlawda shegirip taslanadı.
Balalıqtan mayıplıǵı bolǵan shaxslar, sonday-aq I hám II topar mayıplarınıń MHTEKMnıń 3 esesi (2 mln 466 mıń sum) muǵdarındaǵı qarjıları dáramat salıǵına tartılmaydı (aldın MHTEKMnıń 1,41 esesi edi – 1 mln 159 mıń sum).
Usı tártip 2022-jıl 1-marttan júzege kelgen múnásibetlerge qarata da qollanıladı.
Jańadan jaratılıp atırǵan baǵlar, júzimzarlar hám tutzarlar iyelegen jerler 5 jıl múddetke jer salıǵınan azat etiledi. Aldın 3 jıl edi.
Usı tártip 2022-jıl 1-yanvardan baslap júzege kelgen múnásibetlerge qarata da qollanıladı.
Nızam menen Salıq kodeksine kirgizilgen ózgerislerge kóre, Ózbekstanǵa ósimlik mayı, ayǵabaǵar hám gúnji tuqımı, sonday-aq soya dánesin alıp kiriw, sonday-aq ósimlik mayın islep shıǵarıw hám (yamasa) realizaciya etiw boyınsha aylanba qosılǵan qun salıǵınan azat etiw múddeti 2022-jıl 31-dekabrge shekem uzaytırıldı. Aldın 2022-jıl 30-aprelge shekem edi.
Góshti (mal góshi, qoy góshi), tiri haywanlardı (maldı hám qoydı) hám olardı soyıwdan alınǵan ónimlerdi, kartoshkanı realizaciya etiw boyınsha aylanba, sonday-aq olardı Ózbekstanǵa alıp kiriwde qosılǵan qun salıǵınan azat etiw múddeti 2022-jıl 31-dekabrge shekem uzaytırıldı.
Tawıq góshi, muzlatılgan balıq hám tiri quslardı qosılǵan qun salıǵı boyınsha jeńillik 2022-jıl 30-aprelge shekem etip ózgerissiz qaldırıldı.
2022-jıl 1-yanvardan 2031-jıl 1-yanvarǵa shekem Moynaq rayonındaǵı jergilikli sanaat, awıl xojalıǵı hám xızmetler tarawlarındaǵı isbilermenler:
▫️payda, aylanıstan alınatuǵın, sociallıq hám dáramat salıǵın 1 procentte tóleydi;
▫️yuridikalıq shaxslardıń mal-múlk, jer hám suw resurslarınan paydalanǵanı ushın salıqları 1 procentte tóleydi.
Boyalǵan tawardı, boyalǵan gezlemeni hám tayar tigiw-trikotaj ónimin eksport etiwshi isbilermenler 2022-jıl 1-fevraldan 2025-jıl 1-yanvarǵa shekem sociallıq salıqtı 1 procent tóleydi.