Янгиликлар
03
Bilesiz be?
Kóp kvartiralı úylerdi basqarıw uyımları jumıslarına jergilikli mámleketlik hákimiyatı uyımları aralasıwı múmkin be?
▫️Hákimlikler kóp kvartiralı úylerdi basqarıw uyımları iskerligine aralasıwına jol qoyılmaydı
kóp kvartiralı úydi basqarıw, onıń basqarıw usılın belgilew tártibi qanday?
Kóp kvartiralı úydi basqarıw, basqarıw usılın belgilew úy-jaylar múlk iyeleriniń ulıwma májilisi tárepinen sheshiledi.
Ulıwma májilis tómendegi wákilliklerge iye:
-banklerden kredit alıw haqqında qararlar qabıl etiw;
-kóp kvartiralı úylerdiń basqarıw uyımları jumısların qadaǵalaw;
-kóp kvartiralı úylerdi basqarıw uyımlarınıń esabat beriw tártibin belgilew.
Basqarıw usılın tańlaw haqqında múlk iyeleri arasında kelisimge erisilmegende Úy-jay kommunal xızmet kórsetiw aymaqlıq bólimi 3 ayda basqarıw uyımı wazıypaların ámelge asırıwshı basqarıw shólkemin belgileydi.
Basqarıw usılı ulıwma májilistiń qararı tiykarında qálegen waqıtta ózgertiliwi múmkin.
Ulıwma májilistiń basqarıw usılın tańlaw haqqındaǵı qararı usı kóp kvartiralı úydegi bárshe múlk iyeleri ushın májbúriy.
Kóp kvartiralı úydi shirketler basqarıwı múmkin be?
▫️Awa, múmkin. Shirket úy-jaylar múlk iyeleriniń baslamasına kóre shólkemlestiriledi hám óz ustavına muwapıq ózin-ózi basqarıw tiykarında iskerlik kórsetedi.
Shirketti shólkemlestiriw haqqındaǵı qarar hár bir kóp kvartiralı úydegi bárshe jaylar múlk iyeleriniń yaki olar wákilleriniń 50%ten kóbi jıynalǵan jaylar múlk iyeleriniń shólkemlestiriw jıynalısında qabıl etiledi.
Shirket baslıǵı wákilligi tamamlanǵanda, 3 jumıs kúninde baslıq kóp kvartiralı úydiń texnikalıq hújjetlerin, qaldıq pul qárejetlerin, shirket mórin hám shirketti basqarıw menen baylanıslı basqa hújjetlerdi, baslıq májbúriyatların juwapkershiligine alǵan shaxsqa tapsırıwı shárt.
Kóp kvartiralı úylerdi basqarıwǵa hákimlikler nızamsız aralasqanda úy-jay múlk iyeleriniń qanday huqıqları bar yaki olar qay jerge múrájat etiwi múmkin?
▫️Bunday jaǵdayda hákimshilik sudlarǵa múrájat etiw múmkin. Mápdar shaxslar hákimshilik uyımnıń qararların haqıyqıy emes, olar lawazımlı shaxslarınıń háreketlerin (háreketsizligin) nızamǵa qayshı dep tabıw haqqında arza (shaǵım) menen hákimshilik sudqa múrájat etiwge haqlı.
▫️Mápdar shaxs óziniń huqıqları, erkinlikleri hám nızamlı mápleri buzılǵanlıǵı haqqında málim bolǵan waqıttan 3 ay ishinde sudqa múrájat etiwi múmkin.