Янгиликлар
22
Ҳүкимет қарары менен Өрт қәӯипсизлиги қағыйдалары тастыйықланды.
Нызамшылықтағы_жаңалықлар
Ҳүкимет қарары (649-сан, 20.10.2020-ж.) менен Өрт қәӯипсизлиги қағыйдалары тастыйықланды.
Өрт қәӯипсизлиги қағыйдалары (Қағыйдалар)ға кѳре, оғада әҳмийетли мәмлекетлик әҳмийетке ийе, ири социаллық-мәдений объектлерде өрт-техникалық комиссиясы дүзилиси ҳәмде объекттиң өрт қәӯипсизлиги паспорты ислеп шығылыӯы керек.
Бинә ҳәм имаратлардың өртке қарсы аралықларында ҳәр түрли буйымлар, әсбап-үскенелер ҳәм транспорт қуралларын сақлаӯ ҳәмде бинәларды қурыӯ (орнатыӯ) қадаған етиледи.
1000 ҳәм оннан артық адам сыйымына ийе болған мәкемелерде ең жақын өрт-қутқарыӯ бѳлими менен туӯрыдан-туӯры телефон байланысы орнатылыӯы керек.
Усы қағыйдалар тѳмендегилерде өрт қәӯипсизлигин тәмийинлеӯ бойынша талапларды белгилемейди:
• тоғай хожалығы аймақларында;
• кән қазылма ҳәм шахта имаратларында;
• жарылыӯшы материаллар ислеп шығарылып атырғанда, тасылып атырғанда, сақланып атырғанда, олардан пайдаланып атырғанда ҳәм олар утилизация етилип атырғанда;
• санаат ушын мѳлшерленген жарылыӯшы материаллардан пайдаланылған ҳалда жарыӯ ислерин алып барыӯшы шѳлкемлерде;
• ҳаӯа, суӯ, темир жол, автомобиль транспорты ҳәмде электр транспортында.
Мағлыӯмат ушын: Президенттиң тийисли Пәрманына (https://lex.uz/docs/4820060) тийкар, 59 кеңселик норматив-ҳуқықый ҳүжжетти жоқары юридикалық күшке ийе болған норматив-ҳуқықый ҳүжжет формасына ѳткериӯ белгиленген болып, усы Қағыйдалар сол ҳүжжетлерден бири есапланады.