Янгиликлар
17
Билесиз бе?
Қарақалпақстан Республикасының «Мəмлекетлик байрағы ҳаққында»ғы Нызамына муўапық мәмлекетлик байрақ Қарақалпақстан Республикасының мəмлекетлик суверенлигиниң символы болып табылады.
Усы Нызамға муўапық, Қарақалпақстан Республикасы Мәмлекетлик байрағы турақлы түрде Қарақалпақстан Республикасы Жоқарғы Кеңеси, Министрлер Кеңеси, Конституциялық бақлаў комитети, республика мәмлекетлик басқарыў уйымлары, Қарақалпақстан Республикасы Орайлық сайлаў комиссиясы, жергиликли мәмлекетлик уйымлары, суд ҳәм ҳуқықты қорғаў уйымлары имаратларында көтериледи.
Сондай-ақ, нызамлар менен белгиленген байрам күнлеринде ҳәм Министрлер Кеңесиниң, район ҳәм қала ҳәкимлериниң қарарлары менен орайлық көшелерде, майданларда, басқа да жəмийетлик орынларда ҳəм объектлеринде;
Сайлаў ямаса референдум күнлери даўыс бериў имаратлары ҳəм ханаларында, Қарақалпақстан Республикасы ҳүкиметиниң буйрығы бойынша; спорт майданларында – жарыс жеңимпазларын сыйлықлаў мəресимлери, улыўмалық байрамлар ҳәм салтанатлы мәресимлер ўақытында көтерилиўи мүмкин.
Ал нызам ҳүжжетлерде нәзерде тутылмаған басқада жағдайларда ғалабалық илажлар, митинглерде байрақ көтериў байраққа деген ҳүрметсизлик болып, бул өз гезегинде жуўапкершиликке себеп болады.
Өзбекстан Республикасы Ҳәкимшилик жуўапкершилик ҳаққындағы кодекстиң 203-1-статьясына муўапық Өзбекстан ҳәм Қарақалпақстан Республикасы мәмлекетлик байрағы, герби ҳәм гимни ҳаққындағы нызам ҳүжжетлерин бузыў – пуқараларға базалық есаплаў муғдарының үштен бир есеси, лаўазымлы шахсларға болса үш есесинен жети есесине шекем жәрийма салыўға себеп болады.
Сондай-ақ, жынаят кодексиниң 215-статьясына тийкар мәмлекетлик белгилерге ҳүрметсизлик қылыў базалық есаплаў муғдарының 25 есесине шекем муғдарда жәрийма ямаса 360 саатқа шекем мәжбүрий жәмийетлик жумыслары яки 3 жылға шекем мийнет пенен дүзетиў жумыслары менен жазаланады.