Янгиликлар
02
Билип қойған абзал!!!
1992-жыл 2-июль “Өзбекстан Республикасының мәмлекетлик герби ҳаққында”ғы Нызам қабыл етилген күн.
Өзбекстан Республикасының мәмлекетлик герби Өзбекстан Республикасы мәмлекетлик ғәрезсизлигиниң нышаны болып есапланады.
Өзбекстан Республикасының пуқаралары, сондай-ақ Өзбекстан Республикасында турған басқа шахслар мәмлекетлик гербти ҳүрмет етиўи шәрт.
Мәмлекетлик нышанларға ҳүрметсизлик етиў ҳәкимшилик ҳәм жынайый жуўапкершиликке себеп болады.
Өзбекстан Республикасы ямаса Қарақалпақстан Республикасының мәмлекетлик нышанлары болған Мәмлекетлик байрағына, Мәмлекетлик гербине ҳәм Мәмлекетлик гимнине ҳүрметсизлик етиў яғный нызам ҳүжжетлерин бузыў:
Өзбекстан Республикасының Ҳәкимшилик жуўапкершилик ҳақкындағы кодексине (https://lex.uz/docs/97664) муўапық:
Пуқаралардың базалық есаплаў муғдарының үш есесине шекем, лаўазымлы шахсларға болса – үш есесинен жети есесине шекем муғдарда жәрийма салыўға себеп болады.
Сондай ҳуқықбузарлық ҳәкимшилик жаза шарасы қолланылғаннан кейин бир жыл даўамында тәкирар ислеген болса – пуқараларға базалық есаплаў муғдарының үш есесинен бес есесине шекем, лаўазымлы шахсларға болса – жети есесинен он есесине шекем муғдарда жәрийма салыўға себеп болады.
Өзбекстан Республикасының Жынаят кодексине (https://www.lex.uz/docs/111453) муўапық:
5 млн 575 мың сумға шекем муғдарда жәрийма ямаса 360 саатқа шекем мәжбүрий жәмийетлик жумыслар ямаса 3 жылға шекем мийнет пенен дүзетиў жумыслары менен жазаланады.
Қарақалпақстан Республикасы Әдиллик министрлиги бөлим баслығы Абилкасим Отеулиев.