Янгиликлар
17
«Халықты дизимге алыў ҳаққында»ғы Нызам (ЎРҚ-611-сан, 16.03.2020 ж.) Президент тәрепинен имзаланды
Халықты дизимге алыў – бул Өзбекстан Республикасының халқы ҳаққында исенимли ҳәм анық хабар жыйнаў.
Нызам менен халықты дизимге алыўдың тийкарғы принциплери белгиленди, булар:
- дәўирлик (турақлылық);
- улыўмалық ҳәм бир ўақытлылық;
- дизимге алыўдың жеке тәртиптелиги;
- шахсқа байланыслы мағлыўматлардың жасырынлығы;
- халықты дизимге алыўды басқарыўдың орайластырылғанлығы.
Халықты дизимге алыў тараўын мәмлекет тәрепинен тәртипке салыў Министрлер Кабинети, Өзбекстанда халықты дизимге алыўды өткериўге көмеклесиў бойынша республика комиссиясы, халықты дизимге алыў тараўындағы арнаўлы ўәкилликли мәмлекетлик органы (Мәмлекетлик статистика комитети), сондай-ақ жергиликли мәмлекетлик ҳәкимияты органлары тәрепинен өз ўәкилликлерине муўапық әмелге асырылады.
Нызам менен усы органлардың бул тараўдағы ўәкилликлери белгиленди.
Сондай-ақ, халықты дизимге алыўды шөлкемлестириў ушын жуўапкер болған министрликлер, мәмлекетлик комитетлери ҳәм кеңселер арнаўлы ўәкилликли мәмлекетлик органына халықты дизимге алыў тараўындағы ўазыйпаларын орынлаў бойынша көмеклеседи.
Нызам рәсмий жәрияланған күннен баслап күшке киреди.
Ҳуқықый үгит нәсият ҳәм ағартыўшылық бөлими А.Отарбаев