Янгиликлар
16
Коронавирус себеп айырым шеклеўлер орнатылды
15-март күни Өзбекстан Бас министри Абдулла Арипов коронавирус инфекциясы кирип келиўиниң алдын алыў ис-илажларын күшейтириў мақсетинде жыйналыс өткерди.
Жыйналыста белгилениўинше, коронавирус себеп Өзбекстандағы барлық ЖОО студентлери, мектеп оқыўшылары ҳәм мектепке шекемги билимлендириў шөлкемлери тәрбияланыўшыларына 16-мартдан дем-алыс бериледи.
Буннан тысқары, Наўрыз улыўмахалықлық сейллери өткерилмейди. Сондай-ақ, ғалабалық мәресимлер, атап айтқанда, ылақ-ойын, гүрес ҳәм басқа адамлар көп жыйналатуғын илажлар ўақтынша бийкәр етиледи.
Сол менен бирге 16-мартдан Өзбекстанның шет ел мәмлекетлери менен авиа ҳәм автомобиль қанлаўлары тоқтатылады.
Өзбекстан пуқаралары шет алге шығыўлары, шет ел пуқаралары Өзбекстанға кириўи ўақтынша тоқтатылады. Өзбекстан пуқаралары мәмлекетке қайтыўлары мүмкин болады, қайтқаннан кейин 14 күнлик карантинде болыўы талап етиледи.