Янгиликлар
05
Өзбекстан Республикасының айрым нызам ҳүжжетлерине өзгерис ҳәм қосымшалар киритиў ҳаққында
Өзбекстан Республикасының 2019-жыл 28-августдағы ЎРҚ–558-санлы «Өзбекстан Республикасының айрым нызам ҳүжжетлерине өзгерис ҳәм қосымшалар киритиў ҳаққында»ғы Нызамы қабыл етилди.
Нызам 10-статьядан ибарат. Нызам менен 3 нызамға ҳәмде 5 кодекске өзгерис ҳәм қосымшалар киритилди.
Усы Нызам менен Мәжбүрий мийнетке тартқанлық ушын жуўапкершилик күшейтирилди.
Атап айтқанда неке жасы ер адамлар ҳәм ҳаяллар ушын 18 жас етип белгиленди.
Сондай-ақ, ҳәкимшилик тәртипте мийнетке тартқанлығы ушын жуўапкершилик асырылып, ең кем ис ҳақының он есесинен отыз есесине шекем муғдарда жәрийма салыўға себеп болыўы белгиленди (ҳәзирги ўақытта бир еседен үш есеге шекем). Егер усы ҳуқықбузарлық тәкирар исленсе ең кем ис ҳақының 30 есесинен 100 есесине шекем жәрийма салынады.
Ер жетпеген шахсты мәжүрий мийнетке тартыў ең кем ис ҳақының отыз есесинен елиў есесине шекем (ҳәзирги ўақытта бес есесинен он есесине шекем), егер бул ҳуқықбузарлық тәкирар исленсе ең кем ис ҳақының 50 есесинен 100 есесине шекем муғдарда жәрийма салыўға себеп болыўы белгилеп қойылды.
Буннан тысқары, ўақтынша мийнетке жарамсызлық, ҳәмиледарлық ҳәм туўыў напақаларын нызам ҳүжжетлеринде белгиленген муғдарларда төлеў бойынша мәжбүриятты ҳәкимшилик жазаға тартылғаннан кейин тәкирар орынламаў ең кем ис ҳақының 10 есесинен 30 есесине шекем муғдарда жәрийма салыўға себеп болыўы белгиленди.
Қарақалпақстан Республикасы Әдиллик министрлиги
Ҳуқықый хызмет көрсетиўди мәмлекет тәрепинен
тәртипке салыў бөлими бас мәсләҳәтшиси
А.Базарбаев